“Qarabağ saatı” adlı yeni layihəyə start verilir

XƏBƏR / 25.06.2020 00:53

"Qarabağ saatı” adlı yeni layihəyə start verilir

Diasporla İş üzrə Dövlət Komitəsindən bildirilib ki, beynəlxalq ictimaiyyəti və xüsusilə dünya azərbaycanlılarını Qarabağ həqiqətləri ilə bağlı daha dərindən məlumatlandırmaq üçün "Qarabağ saatı” adlı yeni layihə başlayır.

carciTV xəbər verir ki, Layihə Azərbaycan Respublikasının Prezidenti yanında Dövlət İdarəçilik Akademiyasının nəzdində fəaliyyət göstərən "Qarabağ Araşdırmalar Mərkəzi” ilə birgə reallaşdırılacaq. Mərkəz layihənin informasiya təminatını həyata keçirəcək. Layihə çərçivəsində Diaspor TV-də Azərbaycan və ingilis dillərində "Qarabağ saatı” adlı proqram yayımlanacaq, xaricdə yaşayan azərbaycanlı gənclərlə, eyni zamanda, xarici mütəxəssislərlə debatlar, videokonfranslar təşkil olunacaq.

Layihənin məsləhətçisi və TV proqramının aparıcısı "Qarabağ Araşdırmalar Mərkəzi”nin rəhbəri, Azərbaycan Respublikasının Prezidenti yanında Dövlət İdarəçilik Akademiyasının professoru, siyasi elmlər doktoru Elçin Əhmədovdur.

Oxunub: 439