“Qara Qafur”un 7 milyon dollar pulunu mənimsəyən kimdir? “Maybash”

XƏBƏR / 05.07.2020 12:12

"Qara Qafur”un 7 milyon dollar pulunu mənimsəyən kimdir? "Maybash”

Kriminal aləmdə "Qara Qafur” ləqəbi ilə tanınan məşhur iş adamı Qafur Rəhimova məxsus 7 milyon dollar vəsaiti mənimsəməkdə ittiham edilən Oybek və Eldor Miraliyev qardaşlarına prokuror cəza istəyib.

Bu barədə Özbəkistan mətbuatı məlumat yayıb. Məlumata görə, Daşkənddə keçirilən məhkəmə prosesində dövlət ittihamçısı çıxış edərək Oybek Miraliyevin 15 il, onun kiçik qardaşı Eldor Miraliyevin isə 12 il müddətinə azadlıqdan məhrum edilməsini istəyib.

İttihama görə, Miraliyev qardaşları, məşhur iş adamı Qafur Rəhimovun və onun ailə üzvlərinin etibarından sui-istifadə etməklə 7 milyon dollar məbləğində pul vəsaitini, "Mercedes-Benz Maybash" markalı bahalı avtomobilini mənimsəyiblər. Q.Rəhimovun həyat yoldaşı Lola Rəhimovaya və onun kiçik bacısı Guzal Kamolxodjaevaya külli miqdarda maddi zərər vurublar.

Bundan başqa, sahibkar Şerzod Abbasxadjaevin etibarını qazanmaqla onun 150 min dollar məbləğində pulunu ələ keçiriblər.

Məhkəməyə sədrlik edən hakim təqsirləndirilən şəxslərin özlərinin və müdafiəçilərinin gətirdikləri dəlil-sübutların heç birini qəbul etməyib.

Vəkillərin məhkəmədə qaldırdıqları vəsatətlər təmin olunmayıb. Belə ki, cinayət işi üzrə adı keçən əsas şahid – Qafur Rəhimov və Özbəkistan Baş prokurorluğunun müstəntiqləri məhkəmə tərəfindən dindirilməyib.

Baş prokurorluğun İstintaq idarəsi tərəfindən "saxta zərər çəkmişlər”ə çevrilən şəxslərin Miraliyev qardaşlarına qarşı heç bir iddialarının olmamasına əhəmiyyət verilməyib.

Müdafiəçilərin audioyazıların, maddi sübutların məhkəmədə səsləndirilməsi ilə bağlı vəsatətləri təmin edilməyib.

Vəkillər bildiriblər ki, prosessual qanunvericiliyə əsasən, məhkəməyə sədrlik edən hakim cinayət işi üzrə adı hallanan zərərçəkmişləri və şahidləri dindirməlidir, onların təqsirləndirilən şəxslərlə üzləşdirilməsi keçirilməli, maddi sübutlara hüquqi qiymət verilməlidir.

İttihama görə, Oybek Miraliyev Lola Rəhimovanın kiçik bacısının mülkünün satışından əldə olunan 650 min dolları mənimsəməkdə təqsirləndirilir.

L.Rəhimova istintaqa verdiyi ifadəsində O.Miraliyevin ona məxsus "Mercedes-Benz Maybash" markalı avtomobili mənimsədiyini iddia edib. O, şikayət ərizəsində O. Miraliyevin onun ailəsinə 7 milyon dollar zərər vurduğunu göstərib.

Lakin O.Miraliyevin vəkilləri sahibkar qardaşlara qarşı irəli sürülən ittihamları hələ 2019-cu ilin dekabrında əsassız adlandırıblar.

O.Miraliyevin vəkili iddia edib ki, yüksək vəzifəli məmurların əli ilə müvəkkilini həbsxanada oturdub onun bütün əmlaklarını əlindən almağa çalışırlar.

Miraliyev qardaşları Özbəkistanın quşçuluq biznesində əsas fiqur hesab edilirlər. 2010-2012-ci illərdə O.Miraliyev Dubayda bir neçə biznes-lahiyələrdə iştirak edib.

Qeyd edək ki, 2017-ci ildə Özbəkistan Prezidenti Şövkət Mirziyayev Daşkənddə Miraliyev qardaşlarının quşçuluq kompleksinə baş çəkib və sahibkar qardaşları tərifləyib.

Xatırladaq ki, özbəkistanlı sahibkar Qafur Rəhimov kriminal aləmdə "Qara Qafur” ləqəbi ilə tanınır. Onun "Ded Xasan” ləqəbli (hazırda sağ deyil) Aslan Usoyan və klanı ilə sıx münasibətlərinin olduğu məlumdur.

Oxunub: 729

SON XƏBƏRLƏR

2025-01-12

01:22 ÇƏRPƏLƏNG (HEKAYƏ)

00:18 Prezident İlham Əliyev Küveytin ölkəmizdə yeni təyin olunmuş səfirinin etimadnaməsini qəbul edib

00:13 Azərbaycanda iki yeni milli park yaradılacaq

23:33 Şahdağda Xizək Alpinizmi üzrə Dünya Kubokunun ikinci gününə yekun vurulub VİDEO

2025-01-04

01:15 Prezident İlham Əliyev Şahdağ Turizm Kompleksində yerləşən “Lakeside” hotelində aparılmış işlərlə və “Xizək klubu” binasının tikintisi ilə tanış olub

2024-12-30

02:11 Milli Məclisin 2024-cü il payız sessiyası başa çatıb

02:06 Azərbaycan Prezidenti “Konstitusiya və Suverenlik İli” ilə bağlı paylaşım edib

01:48 Prezident İlham Əliyev təyyarə qəzasında həlak olan ekipaj üzvlərinin vida mərasimində iştirak edib VİDEO

01:40 Prezident İlham Əliyev Azərbaycan Televiziyasına müsahibə verib YENİLƏNİB VİDEO

2024-12-28

14:02 Prezident İlham Əliyev Bakıda kommunal xidmət göstərəcək müxtəlif xüsusi təyinatlı nəqliyyat vasitələri ilə tanış olub

2024-12-20

00:31 Qara Dəniz İqtisadi Əməkdaşlıq Təşkilatına sədrlik Azərbaycana keçib

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

01:14 “Paris-2024”: Azərbaycan basketbol millisi ABŞ-ı məğlub edib

01:23 Birinci vitse-prezident Mehriban Əliyeva Hidayət Heydərovun Olimpiya çempionu olması ilə bağlı paylaşım edib

Təqvim