TƏBİB məlumat yaydı SON DƏQİQƏ

SON DƏQİQƏ! TƏBİB məlumat yaydı

Azərbaycanda süni tənəffüs cihazında olan koronavirus xəstələrinin sayı azalaraq 55 nəfərə düşüb.

carciTV xəbər verir ki, Tibbi Ərazi Bölmələrini İdarəetmə Birliyindən (TƏBİB) məlumat daxil olub. 

Qeyd edək ki, iyulun 18-də süni tənəffüs cihazında olan koronavirus xəstələrinin sayı 63 nəfər idi.

Məlumata görə, xəstəxanaların reanimasiya şöbələrində 340 xəstə müalicə olunur. Qeyd edək ki, ötən gün bu rəqəm 333 nəfər təşkil edirdi.

Xatırladaq ki, bu gün Azərbaycanda daha 517 nəfər koronavirusdan sağalıb, 5 nəfər dünyasını dəyişib.

Son gün ərzində ölkədə COVID-19-a daha 388 yeni yoluxma aşkarlanıb.

Ölkədə indiyədək ümumilikdə 27 521 nəfərin COVID-19-a yoluxması müəyyən edilib. Onlardan 18 967 nəfər müalicə olunaraq sağalıb, 354 nəfər təhlükəli virusdan dünyasını dəyişib. Bununla yanaşı, daha 8 200 nəfərin müalicəsi xüsusi rejimli xəstəxanalarda davam etdirilir.

Son gün ərzində COVID-19-a yeni yoluxma hallarının müəyyənləşdirilməsi ilə əlaqədar 8 095 test aparılıb. Bununla da koronavirusla bağlı aparılan testlərin sayı 627 881-ə çatıb.