BERNAMA agentliyi: Ermənistanın ordusu Azərbaycan şəhərlərini raket atəşinə tutub, ölənlər var

REPORTAJ / 11.10.2020 20:58

Ermənistan ordusunun bir gün əvvəl elan edilmiş humanitar atəşkəsi pozaraq Azərbaycanın Gəncə şəhərinə raket hücumu etməsi nəticəsində azı 9 nəfər həyatını itirib, 34 nəfər isə yaralanıb.

AZƏRTAC xəbər verir ki, bu barədə Malayziyanın BERNAMA Dövlət İnformasiya Agentliyi Türkiyənin Anadolu agentliyinə istinadla məlumat yayıb. Bildirilir ki, Azərbaycan Xarici İşlər Nazirliyi münaqişə zonasından uzaq məsafədə yerləşən Gəncə şəhərinə Ermənistan ordusunun gecə saat 2:00 radələrində raket hücumu barədə məlumatı öz "Twitter” səhifəsində yerləşdirib. Raket əhalinin sıx yaşadığı çoxmənzilli binaya düşüb.

Qeyd edilir ki, həmin hücum Moskvada Rusiyanın iştirakı ilə əldə edilən humanitar atəşkəsdən bir gün belə keçməmiş baş verib.

Məlumatda Azərbaycan Müdafiə Nazirliyinin Ermənistan ordusunun atəşkəs barədə razılaşmanı kobud şəkildə pozması barədə bəyanatı da əksini tapıb. Bildirilib ki, Azərbaycan ordusu bütün gecə düşmən tərəfin Hadrut və Cəbrayıl istiqamətlərində hücumlarının da qarşısını alıb.

Oxunub: 300

SON XƏBƏRLƏR

2025-04-19

03:30 Prezident İlham Əliyev və birinci xanım Mehriban Əliyeva “Sea Breeze” istirahət mərkəzinin ərazisində həyata keçirilən layihələrlə tanış olublar