"Ermənistanla Naxçıvan sərhəd boyu artıq bomboşdur" - AÇIQLAMA

XƏBƏR / 13.10.2020 08:30

"Ermənistanla Naxçıvan sərhəd boyu artıq bomboşdur. Sərhəddə olan erməni hərbiçilərin hamısı Qarabağ savaşına aparılıb".

Pravda.az-ın xəbərinə görə, bu barədə hüquqşünas Aslan İsmayılov məlumat verib.

A.İsmayılov qeyd edib ki, ermənilər artıq son nəfəslərini alırlar: "Onların panikada olmalarını görmək üçün elə bəzi Rusiya və erməni xəbərlərini oxumaq kifayətdir. Bu gün Dağlıq Qarabağdan bir qrup Rusiya Prezidentinə məktub ünvanlayıblar. Məktubda "biz sizə yalvarırıq, müharibəni dayandırın” cümləsi bir neçə dəfə təkrarlanır. Daim qələbədən dəm vuran qondarma DQ-ın qondarma prezidenti araik arutunyan artıq vəziyyətin kritik olduğunu erməni mətbuatına etiraf edir. Bir neçə saat bundan əvvəl yenə həmin araik bir ayaqları gorda olan keçmiş Qarabağ döyüşçüləri ilə görüş keçirib. Rusiya XİN rəhbəri Lavrovun Ermənistan XİN rəhbəri Mnaçakanyan ilə görüşdə onun sağında və solunda olanlara fikir versəniz görərsiniz ki, onlar rəsmən ölüblər, özlərinə deyən yoxdur. Elə buna görə də bu gün bizə bu sevinc hisslərini yaşadan əsgər və zabitlərimizin ailələrinin heç bir ehtiyacı olmamalıdır. Hər rayonun Səfərbərlik və Hərbi Xidmətə Çağırış üzrə Dövlər Xidmətinin yerli qurumları kimlərin müharibədə olduqlarını bilirlər. Hamı ora müraciət edib müharibədə olanların ailələrini müəyyən edib bütün ehtiyaclarını ödəməlidir. Bu sahədə yerli icra orqanlarının fəaliyyəti daha aktiv və konkret olmalıdır. Bu gün hamımız onları tanımalı və qayğılarına qalmalıyıq!"

Oxunub: 262