ALLAH RƏHMƏT ELƏSİN!

CANLI TV / 15.12.2020 11:17

Ağsumuzun ən hörmətli ziyalılarından biri, hamımızın dostu, eloğlumuz şəxsiyyətinə böyük hörmətim olan Azərbaycan Kooperasiya Universitetinin Tədris şöbəsinin müdiri, dosent Aydın Zabit oğlu Mirzəməmmədov vəfat edib.

Mirzəməmmədov Aydın Zabit oğlu 18 noyabr 1960-cı ildə Ağsu rayonunun Kalva kəndində anadan olub.1978-ci ildə orta məktəbi bitirib, 1979-1981-ci illərdə hərbi xidmətdə olub. 1982-ci ildə Ulu öndər Heydər Əliyevin təşəbbüsü ilə Azərbaycandan kənara Ukraynadakı Poltava İqtisadiyyat və Ticarət Universitetinə təhsil almağa göndərilib. O dövr üçün təhsildə ən yüksək göstəricilərə nail olub, 1984-1986-cı illərdə Lenin təqaüdü alıb. 1986-cı ildə ali məktəbi fərqlənmə diplomu ilə bitirib və Moskva Kooperativ İnstitutunun Bakı filialına təyinat alıb. Həmin ildən etibarən Azərbaycan Kooperasiya Universitetində çalışmağa başlayıb. İqtisad elmləri namizədi, İqtisadi nəzəriyyə kafedrasının dosenti idi.

Dəyrəli müəllim, gözəl insan Aydın müəllimin vəfatından olduqca kədərləndiyimizi bildirir, yaxınlarına başsağlığı verirəm. Allah rəhmət eləsin. Qəbri nurla dolsun. Bütün Ağsulular sizinlə fəxr edirdi. Həmişə qəlbimizdə yaşayacaqsan qardaş. Bizlərə Şirvanlılıq məktəbini anlatdın. Yerin behişt olsun qardaş!

Oxunub: 1459