Azərbaycanlı milyarderə ağır itki üz verdi

CANLI TV / 17.02.2021 23:20

Azərbaycanlı milyarderə ağır itki üz verdi

Azərbaycanın ən hörmətli ziyalılarından biri, eloğlumuz şəxsiyyətinə böyük hörmətim olan məşhur azərbaycanlı milyarder, Rusiyadakı "NortQaz” şirkətinin yaradıcısı Fərhad Əhmədova ağır itki üz verib. Fərhad Əhmədovun böyük qardaşı Ramiz Əhmədov vəfat edib.

Həmyerlimiz Fərhad Əhmədova qardaşı Ramiz Əhmədovun vəfatından kədərləndiyimizi bildirir, Allahdan səbir diləyir, ailəsinə və yaxınlarına dərin hüznlə başsağlığı veririk. Allah rəhmət eləsin! Məzarı nurla dolsun!

Qeyd edək ki, Fərhad Əhmədovun atası Teymur Əhmədov vaxtilə Göyçayda zavod direktoru olub. Fərhad Əhmədov dünyadakı məşhur Azərbaycan əsilli milyarderlər arasında xüsusi populyarlığı ilə seçilir. Hazırda Göyçayda fəaliyyət göstərən "AzNar” şirkəti və şirkətin təsisçisi olduğu "Kənd" MMC də Fərhad Əhmədova məxsusdur. Şirkət Göyçay və İsmayıllı rayonlarında 1200 hektardan çox sahədə nar, üzüm, alma bağları yaradıb.

Azərbaycan Respublikasının Prezidenti cənab İlham Əliyevin 16 sentyabr 2020-ci il tarixdə imzaladığı Sərəncamla Fərhad Teymur oğlu Əhmədov Azərbaycan Respublikası ilə Rusiya Federasiyası arasında qarşılıqlı əlaqələrin inkişafında xidmətlərinə görə "Dostluq” ordeni ilə təltif edilmişdir. Fəxrimiz olan böyük iş adamı Fərhad Əhmədova işlərində uğurlar və sağlam ömür arzulayırıq.

Oxunub: 725