Mübariz Mənsimovun azadlığa çıxmasında Şeyxin Ərdoğana yazdığı məktub əsas rol oynayıbmış - SENSASSİON FAKT

XƏBƏR / 27.03.2021 16:56

Azərbaycanlı işadamı Mübariz Mənsimovun azadlığa çıxması ilə bağlı əsl fakt üzə çıxıb.

Oxu24.com-a Türkiyədə olan etibarlı mənbələrdən daxil olan özəl məlumata görə, Mübariz Mənsimovun azadlığa buraxılmasına səbəb Qafqaz Müsəlmanları İdarəsinin sədri, Şeyxülislam Hacı Allahşükür Paşazadə imiş.

Belə ki, Bütün Qafqazın Şeyxi H.A.Paşazadə işadamı Mübariz Mənsimovun azadlığa buraxılması üçün Türkiyə Prezidenti Rəcəb Tayyip Ərdoğana məktub yazıb. Etibarlı mənbənin verdiyi məlumata görə, Şeyxin Ərdoğana yazdığı məktubda onun azadlığa buraxılmasını xahiş etməsi əks olunub.

"Mübariz Mənsimovun atasının ağır xəstə olmasını,anasının ahıl yaşını, öhdəsində azyaşlı uşaqlarının olmasını nəzərə alaraq, Zati-ailələrinizin ali mərhəmətinə güvənərək rica edirik ki, Türkiyə ədalət məhkəməsi sürəcində Mübariz Mənsimova mərhəmət nümayiş etdirərək, həbsin ev şəraiti ilə əvəz olunmasına yardımçı olasınız”, deyə Şeyxülislam Hacı Allahşükür Paşazadə Ərdoğana yazdığı məktubda qeyd edib.

Türkiyədə olan etibarlı mənbənin Oxu24.com saytına verdiyi daha bir məlumata görə, qeyd olunan məktubdan sonra Mübariz Mənsimov azadlığa buraxılıb. Mənbənin bildirdiyinə görə, Mübariz Mənsimovun azadlığa buraxılmasında Şeyxin Türkiyə Cümhuriyyətinin prezidenti Rəcəb Tayyib Ərdoğanın yanında xüsusi nüfuza və hörmətə sahib olmasının mühüm rolu olub.

Qeyd edək ki, sözügedən məktubu Bakı və Azərbaycan Arxiyepiskopu Aleksandr, Azərbaycandakı Dağ yəhudiləri icmasının rəhbəri Melih Yevdayev, Roma Katolik Kilsəsinin Azərbaycandakı Yepiskopu Vladimir Fekete də imzalayıb.

Yalnız şeyxin deyil, digər nüfuzlu dini rəhbərlərin - Melih Yevdayevin və Feketenin, Arxiyepiskop Aleksandrın məktubu imzalanmasının əsas səbəbi də şübhəsiz ki, Şeyxülislam Hacı Allahşükür Paşazadənin yüksək nüfuzu, şeyxə olan yüksək ehtiramdır.

Türkiyədəki etibarlı mənbələrdən əldə olunan məktubu oxuculara təqdim edirik.

Türkiyədə olan etibarlı mənbələrdən daxil olan özəl məlumata görə, Mübariz Mənsimovun azadlığa buraxılmasına səbəb Qafqaz Müsəlmanları İdarəsinin sədri, Şeyxülislam Hacı Allahşükür Paşazadə imiş.

Oxunub: 693