Azərbaycanın xalq artisti, tanınmış gitara ifaçısı Rafiq (Rəmiş) Hüseynov vəfat etdi

XƏBƏR / 05.04.2021 21:59

Rəmiş koronadan vəfat edib? - TƏBİB-dən cavab gözlənilir

Bu gün vəfat edən Rafiq Hüseynovun (Rəmiş) korona xəstəsi olması ilə bağlı məumat yayılıb.

Bizim.Media xəbər verir ki, bu bardə jurnalist Əzizə İsmayılova "facebook" səhifəsində yazıb.

O bildirib ki, Bakı Sağlamlıq Mərkəzinin İcraçı direktoru Asiman Həsənov Rəmişin və onun xanımı Gülünün korona xəstəsi olduqları ilə bağlı açıqlama verib.

MÖVZU İLƏ BAĞLI:

Rəmişin dəfn olunacağı yer məlum oldu

"Təsəvvür edirsiniz? Koronaya yoluxmuş Gülünün yan yörəsində nə qədər mikrofon tutan, bir elə camaat da bundan xəbərsiz ... O qədər adam da dağılışdı getdi hərəsi öz iş yerinə, evinə, girdi dükana, mindi avtobusa... Ziyanı yoxdur?

Əslində guya koronadan evdə müalicə alanlar heç bir halda ictimaiyyət arasına çıxmamalıdılar axı. Koronadan ölənləri də guya xüsusi geyimdə kəfn-dəfn edirlər, heç kimi dəfnə buraxmırlar.

Yoxsa polis əmilər tutub inzibati məsuliyyətə cəlb edirlər, özünü yaxşı aparmayana cinayət işi zad da açırlar... Hər gün dilimiz qabar tutur bu xəbərləri oxumaqdan", - deyə jurnalist yazıb.

Əzizə İsmayılova həmçinin qeyd edib ki, məsələ ilə bağlı Daxili İşlər Nazirliyi, Səhiyyə Nazirliyi, TƏBİB-lə əlaqə saxlanılsa da, heç bir qurum açıqlama vermək istəməyib:

"Yəni ölən Rəmişdir və korona olan onun arvadıdırsa, onda ziyan yoxdur. Burda heç bir qanun, tələb zad keçmir. Gülüdən yoluxmaq müstəhəbdir...".

***

Rəmiş "Qurd qapısı" qəbiristanlığında dəfn olunacaq

Azərbaycanın xalq artisti, tanınmış gitara ifaçısı Rafiq Hüseynov (Rəmiş) sabah dəfn olunacaq.

Bu barədə xalq artistinin ailəsindən məlumat verilib.

Bildirilib ki, Rəmiş Yasamal ("Qurd qapısı") qəbiristanlığında dəfn ediləcək.

Qeyd edək ki, R. Hüseynovun səhhətində xroniki xəstəliklərin kəskinləşməsi nəticəsində ciddi problemlər yaranmışdı. O, yanvarın 28-də Heydər Əliyev Fondunun xətti ilə Bakı Sağlamlıq Mərkəzinə yerləşdirilmişdi.

O, 1944-cü ildə Ağdam rayonunun Gülablı kəndində anadan olub.

Oxunub: 433