“Yaşat” Marafonunu 10 milyondan çox şəxs izləyib

NƏŞR / 03.06.2021 01:46

"Yaşat” Marafonunu 10 milyondan çox şəxs izləyib

"Yaşat” Xeyriyyə Marafonu Azərbaycan diasporunun fəaliyyəti dövründə ilk və ən genişmiqyaslı aksiya kimi tarixə düşdü. Qonşu Türkiyə və Rusiyadan Baham adaları, Kolumbiya, Braziliya, Ekvadora qədər geniş bir coğrafiyanı əhatə edən marafonda - planetin 5 qitəsinin 63 ölkəsində yaşayan soydaşlarımız, həmvətənlərimiz, Azərbaycanı sevən - özlərinə dost bilən insanlar marafona qoşularaq həm ianə edib, həm də nəcib xeyriyyə aksiyasını təbliğ ediblər. Aksiyaya çağırış edənlər arasında azərbaycanlılarla bərabər İsrail, Pakistan, ABŞ, Türkiyə, Banqladeş və İtaliyadan olan dostlar da aktiv iştirak edib, 10-a yaxın ölkənin mediasında marafonla bağlı 50-dən çox yazı dərc olunub. Yerli mediada 100-ə yaxın saytda, 10 televiziya kanalında və radioda materiallar yayımlanıb. Eyni zamanda, Bakı şəhərinin 40-a yaxın nöqtəsində reklam lövhələri yerləşdirilib, sosial mediada minlərlə paylaşım olub. Ümumilikdə isə marafonla bağlı informasiyalar orta hesabla 10 milyondan çox insana çatıb və ya bu nəcib təşəbbüs izlənilib. Belə layihələrin unikallığının digər səbəbi ondan ibarətdir ki, Azərbaycana diqqət artır, respublikamız haqda məlumatlılıq çoxalır, təbliğat və təşviqatına təsir edir. Bu da bir ölkə üçün ən ideal piar hesab oluna bilər.

Bu Marafon özü-özlüyündə milli həmrəylik baxımından, əhəmiyyət və nüfuz nöqteyi-nəzərindən yeni reytinqdir.

Marafon ilə bağlı tanınmış azərbaycanlılar və əcnəbilər çağırış edərək bu nəcib missiyaya səsləmişlər. Bunlar sırasında, Fransada yaşayan soydaşımız məşhur rəssam Reza Deqhati, Danimarkada yaşayan nüfuzlu alim Məsud Aşina, Almaniyada yaşayan rəssam Əşrəf Heybətov, Türkiyədə yaşayan kinoçu Cahangir Novruzov və başqalarının adlarını sadalamaq mümkündür.

Eləcə də ABŞ-dan

siyasi analitik, insan haqları müdafiəçisi,Timberwolf şirkətinin vitse prezidenti

İrina Tsukerman, İtaliyadan

Avropa Parlamentinin keçmiş siyasi müşaviri Rino Trombetta, Türkiyədən İslam dövlətlərindəki Ravvinlərin ittifaqının sədri Mendi Çitrik, Pakistandan İslamabad Qlobal və Strateji araşdırmalar mərkəzinin icraçı direktoru Xalid Teymur Əkrəm,

BMT-nin dayanıqlı inkişaf məqsədləri üzrə fəalı Qaiser Navabın, Banqaledeşdən

Vəkil, Banqladeş Beynəlxalq Cinayətlər məhkəməsinin keçmiş prokuroru Barrister Dr. Tureen Afroz, İrlandiyadan irland tarixçi, siyasi analitik və professor Patrıck Walsh, İsrail Dövlət Opera Teatrının solisti Kamelia İoffe, bu ölkədə fəaliyyət göstərən Misgav-Ladach hospitalının icraçı direktoru Doktor Yişay Falik, Avropa Yahudiləri Assosiasiyasının sədri Ravvin Menakhem Marqolin və digər şəxslər çağırışa qoşulmuşlar.

Marafona ölkəmizdən dəstək verənlər içərisində xalq şairi Ramiz Rövşən, xalq yazıçısı Çingiz Abdullayev, görkəmli diplomat Ramiz Abutalıbov və bir sıra millət vəkilləri, ictimai xadimlər, incəsənət adamları olmuşdur.

Qeyd edək ki, bir ay ərzində 1 milyon manatdan artıq vəsait toplayan diaspor nümayəndələrimiz sırasında ən çox ianə edən ölkələr sırasına Türkiyə, Ukrayna, Rusiya, Böyük Britaniya və İsrail kimi ölkələr daxildir. Marafonda iştirak etməklə hər bir həmvətənimiz və bizimlə birgə olan şəxslər Vətən yolunda canlarından keçərək ailələrini bizə əmanət edən qəhrəman oğullarımızın ruhu qarşısında borcunu qismən də olsa yerinə yetirərək və minnətdarlığını ifadə edərək bu sarkal amala xidmət etmiş oldu.

Diasporla İş üzrə Dövlət Komitəsinin və YAŞAT Fondunun təşəbbüsü, Azərbaycan Diasporuna Dəstək Fondunun təşkilatçılığı ilə keçirilən xeyriyyə marafonu Qarabağ üçün birliyimizi, həmrəyliyimiz gücləndirmək, dünyaya Azərbaycan xalqının varlığını, əzmkarlığını sübut etmək üçün mücadiləmizin tərkib hissəsi, Vətən üçün canından keçən oğullarımızın yadigarlarını unutmamaq işinə, sağlığını itirən qazilərimizi yaşatmaq kimi müqəddəs amala verilən töhfədir.

Bu xüsusda, flaqman olan "Yaşat” kimi marafonlar bizə gələcəyə birgə addımlamağı və gələcək nəsillərə örnək olmağımızı vəd edir.

Rahıb Kərimli, "Ad günü” jurnalının və "carci” İnternet televiziyasının baş redaktoru

Oxunub: 730

SON XƏBƏRLƏR

2024-12-02

13:04 İşğaldan azad edilmiş ərazilərdə aşkarlanan minaların sayı

12:58 Prezident İlham Əliyev: ICAPP özünü nüfuzlu və perspektivli əməkdaşlıq platforması kimi təsdiqləyib

11:11 Sumqayıt şəhərinin 75 yaşı tamam olur SUMQAYIT FOTOLARDA

2024-11-30

00:40 Prezident İlham Əliyev Mərkəzi Nəbatat Bağının açılışında iştirak edib VİDEO

2024-11-28

03:06 2025-ci il üçün yaşayış minimumu ölkə üzrə 285 manat olacaq

02:52 Prezident İlham Əliyev Kəlbəcər Şəhəri Günü münasibətilə paylaşım edib VİDEO

01:51 Azərbaycanda bələdiyyə seçkiləri gələn il yanvarın 29-da keçiriləcək

2024-11-21

03:05 Heydər Əliyev Fondunun vitse-prezidenti Leyla Əliyeva və Bakı Media Mərkəzinin rəhbəri Arzu Əliyeva COP29-da təqdim edilən inklüziv sərgi ilə tanış olublar