“Caspian Drilling Company” fəaliyyətinin 25 illiyini qeyd edib TƏBRİK EDİRİK!

XƏBƏR / 07.09.2021 15:33

"Caspian Drilling Company” fəaliyyətinin 25 illiyini qeyd edib

Azərbaycanda neft-qaz sənayesində hasilatın pay bölgüsü üzrə sazişlərinin imzalanmasından sonra ilk müştərək müəssisə kimi yaradılan "Caspian Drilling Company” (CDC) fəaliyyətinin 25 illiyini təntənəli şəkildə qeyd edib. Şirkətin ildönümü gününün sentyabrın 5-i - həftənin bazar gününə düşməsi ilə əlaqədar, tədbir sentyabrın 6-da CDC-nin dəniz təchizat və logistika bazasında təşkil olunub.

Tədbirdə SOCAR, BP, "Eqiunor” və "TOTAL” şirkətinin rəhbər vəzifəli şəxsləri iştirak edib.

"carciTV" xəbər verir ki, tədbiri giriş nitqi ilə açan CDC-nin baş direktoru Fərid Axundov şirkətin yarandığı vaxtdan bu günədək keçdiyi inkişaf yolu barədə məlumat verib.

Daha sonra çıxış edən SOCAR-ın prezidenti Rövnəq Abdullayev və SOCAR-ın birinci vitse-prezidenti Xoşbəxt Yusifzadə CDC-nin kollektivini təbrik edib və şirkətin Azərbaycanın neft-qaz sektorunun inkişafında tutduğu əhəmiyyətli mövqeyini iştirakçıların diqqətinə çatdırıb.

Çıxışlarda, həmçinin o da vurğulanıb ki, donanmasında "Dədə Qorqud”, "İstiqlal” və Heydər Əliyev” adına yarımdalma qazma qurğularına malik CDC bu günə kimi Xəzər dənizinin Azərbaycan sektorunda hasilatın pay bölgüsü sazişləri üzrə həyata keçirilən, "Ümid” yatağı istisna olmaqla, digər bütün dəniz layihələrində kəşfiyyat və sualtı qazma işlərinin qazma icraçısı olub və bu kəşfiyyat-qazma əməliyyatlarının nəticəsində "Azəri-Çıraq-Günəşli” və "Şahdəniz” yataqları kəşf edilib. Həmçinin qeyd olunub ki, CDC Ulu Öndərin adını daşıyan "Heydər Əliyev” 6-cı nəsil yarımdalma qazma qurğusunun da inşasına rəhbərlik edib və şirkətin idarəçiliyi altında "Heydər Əliyev” yarımdalma qazma qurğusu vasitəsi ilə 7411 metr (ümumi ölçülmüş dərinlik) dərinliyə çatan quyu qazmaqla Xəzər dənizində ən dərin quyunun qazılması üzrə rekord əldə edilib.

Şirkətin uğurları siyahısında ölkə xaricində icra olunmuş qazma əməliyyatları barədə də məlumat verilib. Belə ki, CDC Aralıq dənizində İsrail dövləti üçün 2 kəşfiyyat quyusu qazıb, qardaş Türkiyə Cümhuriyyətində isə 6-cı nəsil "Fatih” qazma gəmisinin reaktivasiyasını həyata keçirib və onunla ilk qazma xidmətini reallaşdırıb. Hazırda CDC Qazaxıstandan gətirilmiş "Sətti” özüqalxan qazma qurğusunun modernizasiya işlərini başa çatdırıb və həmin qurğu vasitəsilə Abşeron yarımadasının SOCAR və BP tərəfindən birgə istismar olunan dayazsulu hissəsində əməliyyatları icra edir.

Tədbirdə CDC-nin bir qrup əməkdaşı SOCAR prezidenti Rövnəq Abdullayevin müvafiq əmrinə əsasən, fəxri təltiflərlə mükafatlandırılıb.

Oxunub: 407

SON XƏBƏRLƏR

2025-06-21

11:07 Əsl dosta fəlsəfi düşüncələrimlə dost payı

10:40 Daşdəmir Əjdəroğlu-Tağıyev - 60

10:32 Daşdəmir Əjdəroğlu - 60

10:27 Daşdəmir Əjdəroğlu – 60 : Zəhmətkeşliyi ilə fələyi də onun kimi saymağa vadar edən jurnalist

2025-06-19

18:03 Azərbaycan MAMA "Ana təbiət” sərgisi ilə ilk dəfə London Dizayn Biennalesində

2025-06-11

01:16 Gündəlik 400-500 manat dövriyyəsi olan obyekt satışa çıxarılıb

01:11 Azərbaycanda işığın qiyməti ilə bağlı YENİ QANUN

01:03 Prezident İlham Əliyev Dövlət Gömrük Komitəsinin yeni inzibati binasının açılışında iştirak edib

2025-06-03

01:11 Prezident İlham Əliyev minifutbol üzrə dünya çempionatının qalibi olan Azərbaycan milli komandasının üzvlərini qəbul edib YENİLƏNİB VİDEO

2025-05-29

12:30 Azərbaycan Prezidenti: Əminəm ki, azad edilmiş Laçından bu gün üç ölkənin dünyaya verdiyi mesajlar lazımi ünvana çatacaq

2024-07-21

02:28 Laçında Azərbaycan Prezidentinin, Türkiyə Prezidentinin və Pakistanın Baş nazirinin Zirvə görüşü keçirilib

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

13:25 Bakı növbəti dəfə Beynəlxalq Şahmat Festivalına ev sahibliyi edəcək

18:58 UEFA Avropa Liqasında 1/8 final mərhələsinə bu gün yekun vurulacaq

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

Təqvim