Taksi sürücülərindən niyə sağlamlıq arayışı tələb edilmir?

CANLI TV / 08.10.2021 10:30

Taksi sürücülərindən niyə sağlamlıq arayışı tələb edilmir?

Taksi fəaliyyəti ilə məşğul olan şəxslərin bəzilərinin avtomobil idarə edərkən hərəkətləri və müştəri ilə davranışları haqlı olaraq narazılıqla qarşılanır. Ekspertlər bildirirlər ki, sovet vaxtı xüsusi kursdan keçə bilməyən sürücülər, yəni davranışı, psixoloji vəziyyəti normal olmayanlar taksi sürücüsü kimi fəaliyyət göstərə bilməzdi. Bəs indi taksi sürücülərindən niyə sağlamlıq arayışı tələb edilmir?

"carciTV” xəbər verir ki, sifariş edilən ünvanlara gec gəldikləri və ya avtomobildə yüksək səslə musiqi dinlədikləri üçün müştəri ilə taksi sürücüləri arasında bir çox hallarda mübahisə düşür. Həmişə də hər iki tərəfin özünəməxsus səbəbləri olur. Məsələn, sərnişinlər taksi sürücülərinin avtomobildə davranışlarından narazılıq edirlər. Səbəb kimi şirkətlərin həmin sürücüləri işə götürərkən ciddi araşdırma aparmamalarını əsas gətirirlər.

Şəhər sakinləri deyirlər ki, mümkün qədər taksidə olarkan sürücü ilə ünsiyyət qurmamağa çalışırlar. Bəziləri hətta sürücünün yüksək tonla mobil telefonla danışmasına da irad tutur. Amma sürücülər onlar barəsində səslənən fikirlərlə razılaşmırlar.

Qeyd edək ki, taksi fəaliyyəti ilə məşğul olmaq istəyən sürücülər şirkətlərə onlayn müraciət edirlər. Sadəcə avtomobil haqqında məlumat vermək kifayət edir ki, şirkətlər həmin şəxsi şifahi sövdələşmə ilə işə qəbul etsinlər. Onların müştəri ilə davranışı və ya psixoloji vəziyyəti isə yoxlanılmır. Belə olduqda bəzi sürücülər müştəri ilə normal rəftar etmirlər və bu da haqlı narazılığa səbəb olur.

Bir neçə taksi şirkəti ilə əlaqə saxlayıb sürücülərin sağlamlığını yoxlamadan işə qəbul etmələrinin səbəbini soruşmaq istədik. Amma onlar bu məsələ barədə danışmaq istəmədiklərini bildirdilər.

Yol hərəkəti üzrə ekspert Ərşad Hüseynov deyir ki, sovet vaxtı taksi fəaliyyəti ilə məşğul olmaq üçün onlar hazırlıq kurslarından keçirdilər. Tələblərə cavab verə bilməyənlər sərnişindaşıma ilə məşğul ola bilməzdilər. Bu qayda indi də mövcuddur. Amma görünən odur ki, sözügedən qayda sadəcə kağız üzərindədir.

İstənilən şəxs Bakıda fəaliyyət göstərmək istəyirsə, Bakı Nəqliyyat Agentliyinə, digər şəhər və rayonlarda işləmək istəyənlər isə Dövlət Avtomobil Nəqliyyatı Xidmətinə müraciət edir və dövlət rüsumunu ödəməklə fərqlənmə nişanı alaraq taksi fəaliyyəti göstərir.

Ekspert deyir ki, bu, qanunvericilikdə ciddi boşluqdur. Təklif edilir ki, nəqliyyat qanunvericiliyində taksi sürücüsü olmaq üçün tələb edilən sənədlərin siyahısı vergi qanunvericiliyinə də əlavə olunsun. Bakı Nəqliyyat Agentliyindən isə bildirildi ki, onlar mövcud qanunvericilik əsasında fərqlənmə nişanı verirlər. Mövcud qanunvericiliyə görə sürücüdən xüsusi sənəd tələb olunmur.

Oxunub: 274

SON XƏBƏRLƏR

2025-01-12

01:22 ÇƏRPƏLƏNG (HEKAYƏ)

00:18 Prezident İlham Əliyev Küveytin ölkəmizdə yeni təyin olunmuş səfirinin etimadnaməsini qəbul edib

00:13 Azərbaycanda iki yeni milli park yaradılacaq

23:33 Şahdağda Xizək Alpinizmi üzrə Dünya Kubokunun ikinci gününə yekun vurulub VİDEO

2025-01-04

01:15 Prezident İlham Əliyev Şahdağ Turizm Kompleksində yerləşən “Lakeside” hotelində aparılmış işlərlə və “Xizək klubu” binasının tikintisi ilə tanış olub

2024-12-30

02:11 Milli Məclisin 2024-cü il payız sessiyası başa çatıb

02:06 Azərbaycan Prezidenti “Konstitusiya və Suverenlik İli” ilə bağlı paylaşım edib

01:48 Prezident İlham Əliyev təyyarə qəzasında həlak olan ekipaj üzvlərinin vida mərasimində iştirak edib VİDEO

01:40 Prezident İlham Əliyev Azərbaycan Televiziyasına müsahibə verib YENİLƏNİB VİDEO

2024-12-28

14:02 Prezident İlham Əliyev Bakıda kommunal xidmət göstərəcək müxtəlif xüsusi təyinatlı nəqliyyat vasitələri ilə tanış olub

2024-12-20

00:31 Qara Dəniz İqtisadi Əməkdaşlıq Təşkilatına sədrlik Azərbaycana keçib

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

01:14 “Paris-2024”: Azərbaycan basketbol millisi ABŞ-ı məğlub edib

01:23 Birinci vitse-prezident Mehriban Əliyeva Hidayət Heydərovun Olimpiya çempionu olması ilə bağlı paylaşım edib

Təqvim