DSX-nin helikopterinin qəzaya uğraması nəticəsində şəhid olan hərbi qulluqçularla vida mərasimi keçirilib ALLAH RƏHMƏT ELƏSİN!

CANLI TV / 02.12.2021 00:35

DSX-nin helikopterinin qəzaya uğraması nəticəsində şəhid olan hərbi qulluqçularla vida mərasimi keçirilib



Dövlət Sərhəd Xidmətinin (DSX) hərbi helikopterinin qəzaya uğraması nəticəsində şəhid olan hərbi qulluqçularla dekabrın 1-də "Sərhədçi” İdman Olimpiya Mərkəzində vida mərasimi keçirilib.

"carciTV" xəbər verir ki, vida mərasimində DSX rəisi general-polkovnik Elçin Quliyev, Hərbi prokuror Xanlar Vəliyev, Bakı Şəhər İcra Hakimiyyətinin başçısı Eldar Əzizov, digər rəsmi şəxslər, şəhidlərin yaxınları, müxtəlif qurumların və ictimaiyyətin nümayəndələri iştirak ediblər.

Vida mərasimi şəhid hərbi qulluqçuların cənazələrinin zala gətirilməsi ilə başlayıb.

Şəhidlərin xatirəsi bir dəqiqəlik sükutla yad edildikdən sonra Azərbaycan Respublikasının Dövlət Himni səsləndirilib.

Mərasim iştirakçılarına şəhid hərbi qulluqçuların xidməti fəaliyyətləri barədə ətraflı məlumat verilib.

Dövlət Sərhəd Xidmətinin maddi-texniki təminat idarəsinin rəisi general-mayor Faiq Məmmədov çıxış edərək şəhidlərin ailələrinə bir daha başsağlığı verib. Bildirilib ki, qəza nəticəsində həlak olan hərbi qulluqçular daim nümunəvi xidmətləri ilə seçiliblər. Onların əksəriyyəti Vətən müharibəsi zamanı böyük fədakarlıqlar göstəriblər. Azərbaycan xalqı qəhrəman oğullarının xatirəsini daim yaşadacaq.

DSX rəisinin müavini general-leytenant İlham Mehdiyev helikopterin qəzaya uğraması nəticəsində şəhid olan hərbi qulluqçuların daim nümunəvi xidmətləri ilə seçildiklərini bildirib. Ən böyük təsəllinin onların şəhidlik zirvəsinə ucalmaları olduğunu deyən İ.Mehdiyev Dövlət Sərhəd Xidmətinin hərbi qulluqçularının, o cümlədən helikopter qəzası nəticəsində şəhid olan hərbçilərin Vətən müharibəsində qəhrəmanlıq və fədakarlıq nümunələri göstərdiklərini vurğulayıb. Xidmət rəisinin müavini onların şərəfli xidmət yolunun və vətənpərvərliyinin hər bir gənc üçün nümunə olduğunu, xatirələrinin daim qəlblərdə yaşayacağını bildirib: "Əlbəttə, valideynlərin də kədərini başa düşürük. Yeganə təsəllimiz odur ki, silahdaşlarımız şəhidlik zirvəsinə yüksəlməklə bütün Azərbaycan xalqının övladlarına çevriliblər. Bu gün dəfn mərasimini keçirdiyimiz şəhidlərimiz Vətən müharibəsində də vəzifələrinin öhdəsindən layiqincə gələrək torpaqlarımızın işğaldan azad olunmasına öz töhfələrini veriblər. Onların şərəfli xidmət yolu hər bir sərhədçi üçün örnək olacaq. Əziz valideynlər, siz hər bir sərhədçinin timsalında minlərlə oğul, qardaş qazanmısınız”.

Şəhid kapitan Xəyyam Əliyevin atası Əlixan Əliyev oğlunun şəhidlik zirvəsinə ucalması ilə fəxr etdiyini bildirib, şəhidlərimizin xatirəsinin daim yaşayacağını deyib.

Dövlət Sərhəd Xidmətinin rəisi, general-polkovnik Elçin Quliyev helikopter qəzasında hərbi qulluqçularımızın həlak olmasının ölkə ictimaiyyətini dərindən sarsıtdığını bildirib. Şəhidlik zirvəsinə ucalan hərbi qulluqçuların Vətən müharibəsinin iştirakçıları olduqlarını deyən Xidmət rəisi onların qəhrəmanlıqlarının, şərəfli xidmət yolunun daim yaşayacağını vurğulayaraq qeyd edib: "Biz silahdaşlarımızı itirmişik. Onların hər biri şəhidlik zirvəsinə ucalaraq övladlarının başını uca etdilər. Vətən sağ olsun. Şəhid zabitlərimizin, əməkdaşlarımızın valideynlərinə, yaxınlarına, əzizlərinə, bacı-qardaşlarına, övladlarına Dövlət Sərhəd Xidmətinin bütün rəhbər heyəti və rəhbərliyi adından başsağlığı verirəm. Allah bütün şəhidlərimizə rəhmət eləsin. Əmin ola bilərsiniz ki, hər bir Azərbaycan vətəndaşı, sərhədçisi şəhidlərimizin xatirəsini daim qəlblərində yaşadacaq. Onların Vətənə xidmətdə göstərdikləri qəhrəmanlıqlar yaşadılaraq, gələcək nəsillərə çatdırılacaq. Şəhidlərimizin valideynləri qarşısında baş əyirəm”.

General-polkovnik Elçin Quliyev şəhid hərbi qulluqçuların ailə üzvlərinə başsağlığı verərək, vətənpərvər oğullar böyütdükləri üçün onlara minnətdarlıq edib, səbir diləyib.

Vida mərasimindən sonra şəhid hərbi qulluqçuların cənazələri son mənzilə yola salınmaq üçün İkinci Şəhidlər xiyabanına aparılıb.

Xatırladaq ki, noyabrın 30-da Dövlət Sərhəd Xidmətinin (DSX) Mİ-17 tipli helikopterinin təlim uçuşu yerinə yetirərkən qəzaya uğraması nəticəsində 14 hərbi qulluqçumuz həlak olub, 2 hərbi qulluqçu yaralanıb. Hadisə ilə əlaqədar Baş Prokurorluğun İstintaq İdarəsində Cinayət Məcəlləsinin 352.2-ci (uçuş və ya uçuşa hazırlıq qaydalarını pozma ehtiyatsızlıqdan iki və ya daha çox şəxsin ölümünə səbəb olduqda) və digər maddələri ilə cinayət işi başlanıb, aidiyyəti qurumların nümayəndələrindən ibarət istintaq qrupu yaradılıb.


Oxunub: 31





SON XƏBƏRLƏR

2022-01-20

Product image

22:27 Prezident İlham Əliyev və birinci xanım Mehriban Əliyeva 20 Yanvar faciəsinin 32-ci ildönümü ilə əlaqədar Şəhidlər

Product image

03:41 Yanvarın 20-də Bakıda və Abşeron yarımadasında sulu qar, qar yağacaq

Product image

03:14 20 Yanvar: müasir tariximizin şəhid qanı ilə yazılmış hünər səhifəsi

Product image

03:07 A.Ə.Fərzəliyevin Abşeron Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı TƏBRİK EDİRİK!

Product image

03:00 T.Y.Musayevin Azərbaycan Respublikasının səhiyyə naziri təyin edilməsi haqqında Azərbaycan Respublikası Prezidentinin Sərəncamı TƏBRİK EDİRİK!

Product image

02:49 Azərbaycan Respublikasının Prezidenti İlham Əliyev rəsmi feysbuk səhifəsində 20 Yanvar faciəsinin 32-ci ildönümü ilə əlaqədar paylaşım edib

Product image

02:42 Azərbaycan Respublikasının Birinci vitse-prezidenti Mehriban Əliyeva rəsmi instaqram səhifəsində 20 Yanvar faciəsinin 32-ci ildönümü ilə bağlı paylaşım edib

2022-01-14

Product image

23:11 Prezident İlham Əliyev "Xızı-Abşeron" Külək Elektrik Stansiyasının təməlqoyma mərasimində iştirak edib

Product image

21:20 Prezident İlham Əliyev xeyriyyəçi Hacı Zeynalabdin Tağıyevin Bakıda ucaldılan abidəsinin açılışında iştirak edib

Product image

12:14 Azərbaycan Prezidenti İlham Əliyevin Ukrayna Prezidenti Volodimir Zelenski ilə təkbətək görüşü olub

Product image

11:56 Azərbaycan və Ukrayna prezidentləri mətbuata bəyanatlarla çıxış ediblər

2022-01-15

Product image

00:48 İLHAM ƏLİYEV AZƏRBAYCANIN YENİ TARİXİNİ YAZDI

2022-10-21

Product image

11:01 Azərbaycanın yeni tarixini yazan Lider

Product image

10:51 Tarixi Zəfərin 44 günü

2022-01-13

Product image

09:36 Akademik Nizami Cəfərova ağır itki üz verib

Product image

09:35 AYB-yə qəbul başlandı

XƏBƏR ARXİVİ
ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Möhtəşəm mitinqi başladı - bütün dünya Azərbaycandan danışırYüz minlərlə insan küçələrə çıxdı!

İDMAN Product image

21:51 Azərbaycanlı qadın MMA döyüşçüsü erməni idmançını 10 saniyəyə nokauta saldı

Product image

02:06 Azərbaycanlı qız güləşçi Finlandiya çempionu oldu

Product image

00:48 Şahmatçımız Şiroğlan Talıbov Avropa çempionatında maksimum nəticə ilə irəliləyir

Təqvim