Təyyarədə qəfil ölən iki həmyerlimizlə bağlı AZAL-dan AÇIQLAMA

XƏBƏR / 25.12.2021 12:02

Təyyarədə qəfil ölən iki həmyerlimizlə bağlı AZAL-dan AÇIQLAMA

"carciTV" xəbər verir ki, Rusiyadan Azərbaycana gələn iki həmyerlimizin təyyarədə qəfil dünyalarını dəyişdiyi bildirilir. Ölüm hadisələri eyni gündə baş versə də, fərqli reyslərdə qeydə alındığı deyilir. Məlumata görə dekabrın 23-ü axşam saatlarında Kazandan Bakıya gələn Rusiya vətəndaşı, 1963-cü il təvəllüdlü Faxrət Şıxıyev, həmin gün günorta saatlarında isə Moskva-Bakı reysi ilə vətənə gələn Rusiya vətəndaşı, 1958-ci il təvəllüdlü Maqomed Kazımov təyyarədə vəfat ediblər.

Hər iki şəxsin onkoloji xəstəlikdən əziyyət çəkdiyi bildirilir.

Məsələ ilə bağlı Bizim.Media-ya danışan "Azərbaycan Hava Yolları” QSC-nin (AZAL) mətbuat katibi Paşa Kəsəmənski ölüm hadisələrinin AZAL reysində yaşanmadığını bildirib:

"Baş verən hadisələrlə bağlı ilk ağıla gələn AZAL olur. Amma həmin hadisələr bizim reysdə deyil, başqa aviareysdə baş verib. Onunla bağlı isə məndə məlumat yoxdur”, - deyə qurum rəsmisi qeyd edib.

Respublika Prokurorluğundan isə faktla bağlı cavab ala bilmədik.

Qeyd edək ki, Xəzər Rayon prokurorluğunda məsələ ilə bağlı araşdırma aparılır.

Oxunub: 712