Tahir Budaqov: Erməni cinayətlərinin beynəlxalq aləmdə ifşa olunması dövlətimizin siyasətinin prioritet istiqamətlərindəndir
XƏBƏR / 31.03.2022 21:43
Tahir Budaqov: Erməni cinayətlərinin beynəlxalq aləmdə
ifşa olunması dövlətimizin siyasətinin prioritet istiqamətlərindəndir
31 Mart - Azərbaycanlıların Soyqırımı Günü ilə
əlaqədar tədbirlər hazırda respublikanın bütün bölgələrində keçirilir. Yeni
Azərbaycan Partiyası tərəfindən "Soyqırım: ümumbəşəri cinayətlər
kontekstindən yeni baxış" mövzusunda elmi-praktiki konfransın Qubada
keçirilməsi isə təsadüfi deyil. Çünki erməni cinayətlərinin qurbanlarının
xatirəsinə ucaldılmış Soyqırımı Memorial Kompleksi Qubada yaradılıb. Burada
kütləvi məzarlıq aşkar olunduqdan sonra bu möhtəşəm kompleks yaradılıb. Bu
kompleksin yaradılmasının keçmişi yaddan çıxarmamaq, gələcəkdə daha güclü
olmağımız üçün mənəvi əhəmiyyəti var.
"carciTV" xəbər verir ki, bu
fikirləri Qubada jurnalistlərə açıqlamasında Yeni Azərbaycan Partiyası (YAP)
Sədrinin müavini - Mərkəzi Aparatın rəhbəri Tahir Budaqov söyləyib.
YAP Sədrinin müavini bildirib ki, 200 ildən
artıq müddətdə ermənilərin soyqırımı siyasətini həyata keçirməsi nəticəsində
minlərlə azərbaycanlı qətlə yetirilib. Bu qətliamlara vaxtında tarixi-siyasi
qiymətin verilməməsi ermənilərin bu cinayətləri davam etdirmələrinə şərait
yaradıb. Yalnız ümummilli liderimiz Heydər Əliyev tərəfindən soyqırımı
cinayətlərinə hüquqi-siyasi qiymətin verilməsi, eləcə də dövlətimizin həyata
keçirdiyi siyasət nəticəsində dünya baş verən hadisələrə düzgün qiymət verməyə
başladı. Təbii ki, bu proseslərdə Heydər Əliyev yolunun müzəffər davamçısı,
Prezident İlham Əliyevin siyasətini xüsusi qeyd etmək lazımdır. Elə bir
beynəlxalq tədbir yoxdur ki, Prezident İlham Əliyev bu həqiqətləri dünya
ictimaiyyətinə çatdırmasın.
Tahir Budaqov, eyni zamanda, qeyd edib ki,
Heydər Əliyev Fondunun xətti ilə bu istiqamətdə ardıcıl, məqsədyönlü tədbirlər
həyata keçirilir. İstər respublikamızın Birinci vitse-prezidenti, Heydər Əliyev
Fondunun prezidenti Mehriban xanım Əliyevanın, istərsə də Fondun
vitse-prezidenti Leyla xanım Əliyevanın təşəbbüsü ilə keçirilən tədbirlər
nəticəsində dünyanın bir sıra ölkələri Xocalı soyqırımını tanıyıb. Erməni
vandalizminin təkcə azərbaycanlılara qarşı deyil, bütün bəşəriyyətə qarşı
cinayət olduğu gündəmdə saxlanılır.
Soyqırımı hadisələrinin qan yaddaşımıza həkk
olunduğunu deyən Tahir Budaqovun sözlərinə görə, erməni cinayətlərinin daim
ifşa edilməsi, bu cinayətlərə beynəlxalq aləm tərəfindən qiymət verilməsi
dövlətimizin siyasətinin prioritet istiqamətlərindən biridir. "Biz qürurla
deyə bilərik ki, erməni vandalizminin qurbanlarının, şəhidlərimizin qanı yerdə
qalmadı. Azərbaycanın rəşadətli Ordusu Müzəffər Ali Baş Komandan İlham Əliyevin
rəhbərliyi ilə 44 günlük Vətən müharibəsində ərazi bütövlüyümüzün təmin
edilməsi, tarixi ədalətin bərpa olunması istiqamətində möhtəşəm Zəfər yolu
keçdi. Hazırda bu Zəfərin nəticələrinin möhkəmləndirilməsi, Azərbaycanın
yaratdığı yeni reallıqların beynəlxalq aləmdə qəbul olunması yönündə ciddi
nəticələr var. Həmçinin Azərbaycan xalqı bu müharibədə öz böyüklüyünü bir daha
nümayiş etdirdi. Ermənilərin xalqımıza qarşı kütləvi qırğınlarına,
cinayətlərinə baxmayaraq, Ordumuz 44 günlük müharibədə dinc erməni əhalisini,
mülki obyektləri hədəfə almadı, yalnız hərbi hədəfləri məhv etdi", - deyə
YAP Mərkəzi Aparatının rəhbəri vurğulayıb.
2024-04-16
00:23 QƏLƏMLƏR NIYƏ KÜSDÜ? Uşaq hekayəsi
00:20 Biləsuvar və Neftçalada günəş elektrik stansiyaları tikiləcək
00:11 Bakıda Leyla Əliyevanın iştirakı ilə növbəti abad həyətlər sakinlərin istifadəsinə verilib
00:02 Prezident İlham Əliyevin Qəbələ rayonuna səfərindən görüntülər
23:46 Prezident İlham Əliyev Hacıqabul rayonunda Şirvan suvarma kanalının təməlini qoyub Dövlətimizin başçısı tədbirdə çıxış edib
2024-04-08
23:40 Yaş sizin həyatınıza əngəl deyil! 96 yaşlı kardioloq öz uzunömürlülük və mükəmməl sağlamlığının sirrini paylaşıb
23:20 Çörəyimizə gizli qatılan- Xərçəng yaradan 3 maddə
23:05 Azərbaycanda ən böyük büdcəyə sahib olan bələdiyyələr hansılardır? - SİYAHI + RƏQƏMLƏR
22:51 Yaxşı menecerlərin sahib olmalı olduğu 9 xüsusiyyət
22:10 Daha bir deputatın mandatı ləğv olunacaq
22:04 Şirkətdə idarəetmənin səviyyəsini müəyyən etmək üçün 18 əsas sual
XƏBƏR ARXİVİTƏBRİK EDİRİK!
Seyid Füğara Ağa
Keçmiş hakim dələduzluqda ittiham olunur - Adı qətl sifarişçisi kimi hallanıb
Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?
Əlaqə
Haqqımızda
İDMAN21:55 Azərbaycan savatçıları İtaliyada 4 qızıl medal qazanıblar TƏBRİK EDİRİK
23:07 “Qarabağ” “Kəpəz”i məğlub edərək ölkə çempionluğunu rəsmiləşdirib
23:16 "Qarabağ"-"Bayer" oyununda ikinci hissə başlayıb - YENİLƏNİB-3
Təqvim