Dünya azərbaycanlılarının həmrəyliyi möhkəmlənir
XƏBƏR / 28.04.2022 02:44
Dünya azərbaycanlılarının həmrəyliyi möhkəmlənir
Ulu öndər, dahi şəxsiyyət Heydər Əliyev dünya
azərbaycanlılarının həmrəyliyinin banisidir. Həmvətənlərimizin harada
məskunlaşmalarından asılı olmayaraq ən mühüm, ən müqəddəs vəzifələrindən biri
müstəqil dövlətçiliyimizi qoruyub saxlamaqdan ibarətdir. Qeyd etmək lazımdır
ki, müstəqil Azərbaycan dövlətinin mövcudluğu, onun demokratik, dünyəvi, hüquqi
dövlət quruculuğu yolu ilə irəliləməsi yalnız ölkəmizin vətəndaşlarının deyil,
bütün dünya azərbaycanlılarının milli müstəqillik və dövlətçilik təfəkkürünün
inkişafına, onların monolit birliyinə, həmrəyliyinə təkan verir.
Ümummilli lider, dahi şəxsiyyət Heydər Əliyev dünyada
Azərbaycan diasporunun fəaliyyətinin genişləndirilməsinə, müstəqil dövlətimizin
möhkəmləndirilməsinə mühüm təsir vasitəsi kimi baxırdı. Ulu öndərin təşəbbüsü
ilə 2001-ci ilin noyabr ayında Dünya Azərbaycanlılarının Bakıda keçirilən I
Qurultayı xaricdə yaşayan soydaşlarımızın Azərbaycan ətrafında daha sıx
birləşməsinə, ən əsası isə Azərbaycanda dövlətçiliyin inkişafına,
respublikamızın tərəqqisinə güclü təkan verdi.
Bu günlərdə Türk dünyasının Mədəniyyət Mərkəzi Şuşa
şəhərində Dünya Azərbaycanlılarının V Qurultayının keçirilməsi tarixə çevrildi,
bütün dünyada yaşayan milyonlarla soydaşlarımız tərəfindən qürur hissi ilə
qarşılandı. Qarabağ həsrətli həmvətənlərimiz Zəfər Qurultayında iştirak
etdilər.
V Qurultayda 65 ölkədən 400-dən çox diaspor nümayəndələri
iştirak edirdi. Qalib xalqın nümayəndələri Şuşada həyatın ən gözəl anlarını
yaşayırdılar. Şuşa hər bir azərbaycanlının qürur yeridir.
Qurultayda Prezident İlham Əliyevin proqram xarakterli
nitqi həmvətənlərimiz tərəfindən rəğbətlə qarşılandı, milli diasporumuzun
təşəkkül tapmasında qarşıda yeni üfüqlər açıldı. Vurğulandı ki, Vətən
müharibəsində azərbaycanlılar yaşadıqları ölkələrdə Azərbaycanın haqq səsinin
eşidilməsi üçün səylərini əsirgəməmişlər. Diaspor təşkilatları tərəfindən
dünyanın 30-a yaxın ölkəsində keçirilən 200-dən çox aksiyada 25 mindən çox
soydaşımız və dost xalqların nümayəndələri iştirak etmişdir.
Qurultay iştirakçılarının nəzərinə çatdırıldı ki, 44
günlük Vətən müharibəsində qüdrətli Azərbaycan ordusu Prezident, Ali Baş
Komandan cənab İlham Əliyevin qətiyyəti, sərkərdəlik məharəti sayəsində
Ermənistan ordusunu ağır məğlubiyyətə uğratdı, işğal altında olan ərazilərimiz
azad olundu.
Ukraynada yaşayan diaspor fəallarından biri kimi bu
gün ikiqat fərəh hissi keçirirəm. Şuşa şəhərində keçirilən qurultayda
iştirakımdan qürur duyuram. Həm də qurultayda Azərbaycan Respublikasının
Prezidenti cənab İlham Əliyevin Sərəncamı ilə xalqlar arasında dostluğun
möhkəmləndirilməsi və Azərbaycan diasporunun inkişafı sahəsində xidmətlərimə
görə "Dostluq" ordeni ilə təltif olundum. Qurultay nümayəndələri Türk
dünyasının mədəniyyət mərkəzi olan Şuşadan xoş təəssüratlarla ayrıldılar.
Oleq KRAPİVİN,
2024-04-16
00:23 QƏLƏMLƏR NIYƏ KÜSDÜ? Uşaq hekayəsi
00:20 Biləsuvar və Neftçalada günəş elektrik stansiyaları tikiləcək
00:11 Bakıda Leyla Əliyevanın iştirakı ilə növbəti abad həyətlər sakinlərin istifadəsinə verilib
00:02 Prezident İlham Əliyevin Qəbələ rayonuna səfərindən görüntülər
23:46 Prezident İlham Əliyev Hacıqabul rayonunda Şirvan suvarma kanalının təməlini qoyub Dövlətimizin başçısı tədbirdə çıxış edib
2024-04-08
23:40 Yaş sizin həyatınıza əngəl deyil! 96 yaşlı kardioloq öz uzunömürlülük və mükəmməl sağlamlığının sirrini paylaşıb
23:20 Çörəyimizə gizli qatılan- Xərçəng yaradan 3 maddə
23:05 Azərbaycanda ən böyük büdcəyə sahib olan bələdiyyələr hansılardır? - SİYAHI + RƏQƏMLƏR
22:51 Yaxşı menecerlərin sahib olmalı olduğu 9 xüsusiyyət
22:10 Daha bir deputatın mandatı ləğv olunacaq
22:04 Şirkətdə idarəetmənin səviyyəsini müəyyən etmək üçün 18 əsas sual
XƏBƏR ARXİVİTƏBRİK EDİRİK!
Seyid Füğara Ağa
Keçmiş hakim dələduzluqda ittiham olunur - Adı qətl sifarişçisi kimi hallanıb
Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?
Əlaqə
Haqqımızda
İDMAN21:55 Azərbaycan savatçıları İtaliyada 4 qızıl medal qazanıblar TƏBRİK EDİRİK
23:07 “Qarabağ” “Kəpəz”i məğlub edərək ölkə çempionluğunu rəsmiləşdirib
23:16 "Qarabağ"-"Bayer" oyununda ikinci hissə başlayıb - YENİLƏNİB-3
Təqvim