Anar Rzayev: “Yazıçılar Birliyinin qurultayı Şuşada keçirilməyəcək”

XƏBƏR / 23.06.2022 21:52

Anar Rzayev: "Yazıçılar Birliyinin qurultayı Şuşada keçirilməyəcək”

"Azərbaycan Yazıçılar Birliyinin (AYB) növbəti qurultayı Şuşada keçirilməyəcək”.

Bunu AYB-nin sədri, Xalq yazıçısı Anar Rzayev bildirib.

Onun sözlərinə görə, buna səbəb Şuşada qurultayın keçirilməsi, iştirakçıların və qonaqların yerləşməsi üçün uyğun məkanın olmamasıdır: "Ona görə də qurultayın məkanını dəyişmişik. Qurultayın sentyabr ayında ya Bakıda, ya da Şabranda yeni inşa olunan Yaradıcılıq Evində keçirilməsi planlaşdırılır. Çünki avqust ayında həmin evin hazır olması gözlənilir”.

AYB sədri söyləyib ki, Şuşada yalnız Vaqif Poeziya Günləri keçiriləcək.

Qeyd edək ki, ötən ilin avqust ayında Şuşada keçirilən Vaqif Poeziya Günlərində A.Rzayev AYB-nin XIII qurultayının Azərbaycanın mədəniyyət paytaxtında keçirilməsi təklifi ilə çıxış etmişdi. Bundan sonra qurultayın hazırlıqlarına başlanılmışdı.

Oxunub: 225

SON XƏBƏRLƏR

2025-04-19

03:30 Prezident İlham Əliyev və birinci xanım Mehriban Əliyeva “Sea Breeze” istirahət mərkəzinin ərazisində həyata keçirilən layihələrlə tanış olublar