“Dəmir yumruq” kitabı

"Dəmir yumruq” kitabı

    Tanınmış jurnalist  Rahib Kərimlinin Turxan Mahmudovla birgə  müəllif olduğu  "Dəmir yumruq” kitabında Vətən müharibəsində   Müzəffər Ali Baş Komandan İlham Əliyevin rəhbərliyi ilə Azərbaycan Ordusunun əldə etdiyi şanlı qələbədən danışılır. Kitabda  Ermənistan – Azərbaycan Dağlıq Qarabağ münaqişəsinin hərbi-siyasi yolla həllinin təhlilinə xüsusi yer verilib. Eyni zamanda dövlət başçısının 2003-2020-ci illərdə apardığı ordu quruculuğu prosesinin mahiyyəti şərh olunub. Bu tarixi əsəri oxuduqca  biz hər gün, hər an dövlət başçısının yüksək vətəndaşlıq məktəbini keçirik.  Çünki Azərbaycan Prezidentinin şərəfli həyat yolu, siyasi-ictimai fəaliyyəti lazımınca bu əsərdə öz əksini tapıb.  Ən əsası Dövlət başçısının işlədiyi vaxtlarda  bütün fəaliyyəti konkret və real faktlarla əsərdə verilib.

         Müəlliflərin oxuculara təqdim etdiyi "Dəmir yumruq” kitabında Prezidentin 2003-2020-ci illərdə apardığı siyasəti oxucuya çatdırılıb. Həm də kitabda Ermənistan – Azərbaycan Dağlıq Qarabağ münaqişəsinə xüsusi yer verilib və problemlərin həllində Prezident İlham Əliyevin apardığı siyasət geniş şəkildə şərh olunub. 

         Onu da deməliyik ki, Azərbaycanda müstəqillik əldə edilən vaxtdan hazırkı dövrədək  kitabda  Azərbaycanda gedən ictimai-siyasi, sosial-iqtisadi proseslər müxtəlif mərhələlər üzrə müqayisəli şəkildə təhlil olunub.  Bir sözlə, inanırıq ki, hər iki müəllifin zəhməti hesabına  işıq üzü görən "Dəmir yumruq” kitabı özünün siyasi-ideoloji məzmununa və ədəbi-bədii dəyərinə görə,  oxucular tərəfindən  böyük rəğbətlə qarşılanacaq.

Şakir CƏFƏROV,

Filologiya üzrə fəlsəfə doktoru,

T.N."Azərbaycan müəllimi” qəzetinin şöbə  redaktoru