İlham Əliyevin Türk Zirvəsində Güney Azərbaycan mesajı

NƏŞR / 13.11.2022 03:16

Prezident İlham Əliyev Güney Azərbaycan məsələsini Türk Dövlətləri Təşkilatının gündəminə daşıyır. TDT-nin Səmərqənddə keçirilən IX Zirvə Görüşündə çıxışı zamanı Prezident iki mesaj verdi:

Birincisi, Güney Azərbaycan işğal altındadır: "Türk dünyası təkcə müstəqil türk dövlətlərindən ibarət deyil, onun coğrafi sərhədləri daha genişdir” sözlərini bu cür oxuya bilərik;

İkincisi, Türk dünyası güneydəki soydaşlarımıza dəstək olmalıdır:

- "Türk dünyasında gənc nəslin yaşadıqları ölkələrdə öz ana dilində təhsil almaq imkanı olmalıdır. Əfsuslar olsun ki, Azərbaycan dövlətinin hüdudlarından kənarda yaşayan 40 milyon azərbaycanlının əksəriyyəti bu imkanlardan məhrumdur”;

- "Türk dövlətlərindən kənarda yaşayan soydaşlarımızın öz ana dilində təhsil almaları daim təşkilatın gündəliyində olmalıdır. Bu istiqamətdə lazımi addımlar atılmalıdır”;

Üçüncüsü, Güney Azərbaycanın müstəqil olması, yaxud ən azı hüquqlarının bərpasının zamanı çatıb:

- "Türk Dövlətləri Təşkilatının üzvləri olan ölkələrdən kənarda yaşayan soydaşlarımızın hüquqlarının, təhlükəsizliyinin, milli kimliyinin qorunması, onların assimilyasiyaya uğramaması kimi məsələləri artıq təşkilat çərçivəsində daimi əsasda diqqətdə saxlamağın vaxtı gəlib çatmışdır”;

Dördüncüsü, Azərbaycan güneydəki soydaşlarımıza dəstəyini davam etdirəcək:

- "Biz acı taleyin hökmü ilə Azərbaycan dövlətindən ayrı düşmüş soydaşlarımızın dilimizi, ənənələrimizi, mədəniyyətimizi qoruyub saxlamaları, azərbaycançılıq ideyalarına sadiq olmaları, öz tarixi vətənləri ilə əlaqələrin heç vaxt kəsilməməsi üçün səylərimizi davam etdirəcəyik”;

Əliyevin bu mesajları həm də güneydəki soydaşlarımıza "yanınızdayıq” mesajıdır. Prezident Türk Dövlətləri Təşkilatının Baş katibi Bağdad Amreyevi qəbul edərkən, açıqladığı "Biz taleyin hökmü ilə dövlətimizdən ayrı düşmüş azərbaycanlılara kömək etmək üçün əlimizdən gələni edəcəyik” sözlərindən sonra Güney Azərbaycandan dəstək mesajları gəlmişdi. Türk Zirvəsində bu çıxışından sonra dəstəyin daha da artacağı gözləniləndir.

Rahib KƏRİMLİ,

Azərbaycan Jurnalistlər Birliyinin üzvü,

"Qızıl Qələm" Media mükafatı laureatı.

Oxunub: 192

SON XƏBƏRLƏR

2024-12-02

13:04 İşğaldan azad edilmiş ərazilərdə aşkarlanan minaların sayı

12:58 Prezident İlham Əliyev: ICAPP özünü nüfuzlu və perspektivli əməkdaşlıq platforması kimi təsdiqləyib

11:11 Sumqayıt şəhərinin 75 yaşı tamam olur SUMQAYIT FOTOLARDA

2024-11-30

00:40 Prezident İlham Əliyev Mərkəzi Nəbatat Bağının açılışında iştirak edib VİDEO

2024-11-28

03:06 2025-ci il üçün yaşayış minimumu ölkə üzrə 285 manat olacaq

02:52 Prezident İlham Əliyev Kəlbəcər Şəhəri Günü münasibətilə paylaşım edib VİDEO

01:51 Azərbaycanda bələdiyyə seçkiləri gələn il yanvarın 29-da keçiriləcək

2024-11-21

03:05 Heydər Əliyev Fondunun vitse-prezidenti Leyla Əliyeva və Bakı Media Mərkəzinin rəhbəri Arzu Əliyeva COP29-da təqdim edilən inklüziv sərgi ilə tanış olublar