Ekoaksiya: Rusiya sülhməramlılarına aid avtomobil karvanı aksiya ərazisindən sərbəst keçib

REPORTAJ / 20.01.2023 23:03

Laçın-Xankəndi yolunda təşkil olunan aksiyanın 40-cı günündə də Rusiya sülhməramlılarına məxsus avtomobillər aksiya ərazisindən maneəsiz keçirlər.

"carciTV" xəbər verir ki, bu dəqiqələrdə sülhməramlılara məxsus 12 avtomobilin Laçından Xankəndi istiqamətinə, 1 yük avtomobilinin isə əks istiqamətə sərbəst hərəkəti təmin edilib.

Bu, bir daha onu göstərir ki, ərazidə hərəkət sərbəstdir.

Qeyd edək ki, Ermənistan mətbuatında yayılan və etirazçıların guya Laçın-Xankəndi yolunu bağladıqları və təminat avtomobillərini buraxmadıqları ilə bağlı xəbərlər qarşı tərəfin növbəti dezinformasiyasıdır.

***

Rusiya sülhməramlılarının dörd yük avtomobilinin aksiya ərazisindən keçidi təmin edilib

Laçın-Xankəndi yolunda təşkil olunan aksiyanın 40-cı günündə də Rusiya sülhməramlılarına məxsus avtomobillər aksiya ərazisindən maneəsiz keçirlər.

"carciTV" xəbər verir ki, bu dəqiqələrdə sülhməramlılara məxsus 4 yük avtomobilinin Xankəndidən Laçın istiqamətinə sərbəst hərəkətinə şərait yaradılıb.

Bu bir daha onu göstərir ki, ərazidə hərəkətin sərbəstliyi mütəmadi olaraq təmin olunur. Heç də siyasi xarakter daşımayan aksiya humanitar məqsədlərə xidmət edir.

Oxunub: 199