“AIESEC ilə inkişaf et” layihəsi çərçivəsində “Karyera Yüksəlişi” tədbiri keçirilib

CANLI TV / 31.03.2023 13:17

"AIESEC Azərbaycan”ın təşkilatçılığı ilə 11 mart 2023-cü il tarixində 100-ə yaxın gəncin iştirakı ilə "AIESEC ilə inkişaf et” layihəsi çərçivəsində "Karyera Yüksəlişi” adlı tədbir keçirilib.

Tədbirin məqsədi müxtəlif peşə sahələrindən olan liderləri və azərbaycanlı gəncləri bir araya toplamaqla onlara öz gələcək karyeralarında uğurla addımlamağa yönəltməkdən ibarət olub.

Həyata keçirələn "AIESEC ilə inkişaf et" tədbirinin spikerləri "MyContact.az” və "İŞ VAR” şirkətlərinin təsisçisi – Kamran Məmmədov, beynəlxalq təcrübəli satış təlimçisi – Kamal Mahmudov, karyera üzrə icraçı məşqçi – Şamil Fətəliyev və 166 Yükdaşıma və Logistika şirkətində marketinq meneceri – Rüfət Quliyev olub. Öz sahələrində kifayət qədər uğur qazanmış spikerlər gənclərə karyera qurmaq, inkişaf etmək, uğur qazanmağın forma və forumulasından danışıblar. Karyera qurarkən daha çox nələrə diqqət edilməli, hansı addımlar atılmalı, doğru və yalnış istiqamətləri izah edib, ən doğru seçimlər etməyin yollarını izah edərək gəncləri istiqamətləndiriblər.

Tədbir böyük maraqla qarşılanıb, gənclərdə yaranan suallar spikerlər tərəfindən ətraflı cavablandırılıb və səmərəli müzakirələrlə layihə işini yekulaşdırıb.

"carciTV"

Oxunub: 34