ZƏRİFƏ ƏLİYEVA - OFTALMOLOGİYANIN MİRVARİSİ Təranə YUSİFQIZI

CANLI TV / 18.04.2023 02:09

ZƏRİFƏ ƏLİYEVA - OFTALMOLOGİYANIN MİRVARİSİ

Azəbaycanda Tibb elminə nəzər salsaq, bu elmin fədaisi, banisi olaraq gözümüz önündə ilk canlanan Akademik Zərifə xanım Əliyeva olur.

Zərifə xanımın fədakarlığı, elmi-biliyi nəticəsində Tibb elminə verdiyi töhvələr, yeni kəşflər, ixtiralar Oftalmologiya sahəsini geniş şəkildə əhatə etmişdir.

Yorulmaq bilmədən çalışan Zərifə xanım ,insanların sağlamlığını ,onlara həyat görmə qabiliyyətini qaytarmaq barədə düşünür və buna nail olurdu. O, ürəyinin nurundan ,gözlərə nur verirdi desək yanılmarıq. Çünki,bir həkim olaraq xəstələrin sağlamlığını düşünürdüsə, digər tərəfdən, çox gözəl insan olaraq onların qayğısıyla maraqlanır və çətinliklərini qarşılayırdı.

Zərifə xanım,nümunə göstəriləcək, örnək alınası, sədaqətli ömür-gün yoldaşı, mehriban və qayğıkeş ana və nənə idi. O həmdə çox gözəl dost idi.

Zərifə xanım, ailəsini sevdiyi qədər Vətənini, Vətənini sevdiyi qədər də insanları sevərdi.

O insanın qəlbində o qədər sevgi var idi ki, insan ilk görüşən anda belə, Zərifə xanımın üzünün nurunda, baxışlarında bu sevgini hiss edirdi.

Bütün gözəl xüsusiyyətləri özündə birləşdirən böyük bir ürəyə sahib idi Zərifə xanım.

O, əsl Azərbaycan övladı, Azərbaycan xanımı idi.

Qəlbi Vətəni ilə, eli ilə bir döyünərdi.

Zərifə xanım, qayğıkeş ana, sədaqətli həyat yoldaşı, gözəl həkim, Alim, Akademik və ən əsası misilsiz gözəl ürəyə sahib insan kimi qəlbimizdə həmişə yaşayacaq.

Adı çəkiləndə qürurlanırıq,

Çox gözəl analıq hissi anırırıq.

Onu hər an yanımızda sanırıq,

Gözəl ana idi Zərifə xanım.

Vətənin gözəl övladı kimi,

Halına yanardı,görsə hər kimi.

Azərbaycanının gözəl həkimi,

Gözəl qızı idi Zərifə xanım.

Yardımçı olardı o,insanlara

Həm ümid verərdi qırılanlara.

Dünya işığını duymayanlara,

Pay verərdi nurdan Zərifə xanım.