FÖVQƏLBƏŞƏR İNSAN.

   Dünyaya bəzən elə insanlar gəlir ki, onlar Yer əhli olmurlar.Onlar Allah tərəfindən seçilmiş, xüsusi  görəvlərlə  bu Yer üzünə endirilmiş ruhlardır ki , belə insanlara fövqəlbəşər insan deyirlər. O millət, o xalq da xoşbəxtdir ki, onların taleyinə belə şəxsiyyətləri Allah nəsib edir.

Elə bizim Azərbaycan xaqımız  kimi.Bəli, millətimizin bir xalq olaraq ölüm-qalım məsələsində, parcalanmağa doğru getdiyi ərəfələrdə məhz belə bir insanı ,belə bir dahini Azərbaycan xalqının taleyinə yazdı Allah.Görünür uca Yaradan bizim xalqımızı çox sevirmiş ki , belə bir çətin anda bu dahi şəxsiyyəti bu xalqın harayına yetirdi.

   

Yəqin ki, elə də uzaq keçmiş deyil.Orta və yaşlı nəslin nümayəndələrinin hər birinin gözləri önündə baş verirdi olanlar.Artıq hərc-mərclik baş alıb gedir, milli məclisdə deputatlar az qala əlbəyaxa vuruşa çıxırdılar.Millətimiz parçalanmaq qorxusu yaşayırdı xalq olaraq.Bax, belə bir zamananda gəldi böyük şəxsiyyət Heydər Əliyev.Bircə baxışı bəs edirdi qarşısındakını susdurmağa.Əzəmətli görünüşü, vüqarlı duruşu, məntiqli sözləri, böyük siyasəti ilə bu xalqı nəinki  parçalanmağa qoymadı, eyni zamanda  öz cəsarətli addımları ilə dünya liderlərini heyrətə saldı.Bir vaxtlar Azərbaycanı saymayan , ona yarım etməyən dövlətlər bu balaca , lakin  dünya dövlətləri arasında öz yeri olan dövlətimizlə əməkdaşılıqlar etməyə, sərmayələr yatırtmağa başladılar.Günü-gündən artdı dövlətimizin nüfuzu.Millətlər arasında ucalarda dalğalandı bayrağı.Əlbəttə bütün bunlar hamısı Heydər Əliyev siyasətinin bəhrəsi idi.O tək  dövlət başçısı deyildi.O əsl nümunə bir ata  da oldu.Bu gün onun siyasətinin layiqli davamçısı İlham Əliyevin apardığı siyasət ,məhz Heydər Əliyev məktəbindən qaynaqlanır.Bu gün azad Şuşamız üçün , azad olmuş torpaqlarımız üçün də Heydər Əliyev ruhuna minnətdarıq .Onun yetirdiyi övadının komandanlığı ilə  alındı torpaqlarımız .Silindi alınlardan xəcalət tərimiz.Allah sizə rəhmət eyləsin ulu öndər.

Sən elə bir zamanda gəldin Azərbaycana,

Qoymadın ki, bu dövlət bölünə parçalana,

Millətim bir xalq kimi yenidən gəldi cana,

Hünərinə mat qaldı bu kainat, bu cahan,

Sən ey ali şəxsiyyət, ey fövqəlbəşər insan!

Adi bəşər deyilsən , sən göylərdən enmisən .

Peyğəmbərlər, imamlar məqamından gəlmisən.

Qüdrətini Şah dağdan, Baba dağdan almısan,

Gücünə min güc  qatıb  Heydər dağı , Savalan,

Sən ey ali şəxsiyyət, ey fövqəlbəşər insan!

 

Vurdun imperiyaya müstəqillik oxunu,

Qopartdın yad əllərin əsarət buxovunu.

Götürdün ürəklərdən müstəmləkə xofunu,

Yox başqa belə dövlət , az müddətdə ucalan,

Sən ey ali şəxsiyyət, ey fövqəlbəşər insan!

Cəsarətin  dünyanın özün heyrətə saldı.

Addığın hər addıma dövlətlər heyran qaldı.

Günü gündən yurdumuz şöhrət tapdı, ucaldı,

Dünyada səs yaratdı Bakı-Tiflisi-Ceyhan,

Sən ey ali şəxsiyyət, ey fövqəlbəşər insan!

Adını könüllərdən əsrlər də çıxartmaz.

Sənin kimi dahini dövran bir də yaratmaz.

Qərinələr ötsə də ellər səni unutmaz,

Nə qədər ki, yaşayır müstəqil Azərbaycan,

Sən ey ali  şəxsiyyət, ey fövqəlbəşər insan!