Havada fasiləsiz səyahət mümkün olacaq - Yeni nəqliyyat vasitəsinin istehsalına başlanılıb

Fransız şirkətlərindən biri sıfır emissiyalı səyahətin yeni formasını sınaqdan keçirmək üçün günəş enerjisi ilə işləyən dirijabldan istifadə edərək, dünyanı tamamilə, fasiləsiz dövrə vurmağı hədəfləyir.

"carciTV" xəbər verir ki, Fransada yerləşən "Euro Airship", qalıq yanacaqlardan istifadə etmədən dünya səyahətini bir aydan az müddətdə başa çatdırmaq məqsədi ilə "Solar Airship One"ı istehsal edir. Təxminən 6 min metr yüksəklikdə uçacaq olan futuristik vasitənin gecə-gündüz enerji ilə təmin edilməsi üçün günəş panelləri, batareyalar və hidrogen yanacaq elementlərindən ibarət xarici örtüyə sahib olması nəzəri cəhətdən sonsuza qədər uçmağı mümkün edir. 

"Solar Airship One"ın istehsalına bu il başlanması və fasiləsiz uçuşun 2026-cı ildə həyata keçirilməsi planlaşdırılır. "Euro Airship" tərəfindən verilən açıqlamada hava nəqliyyatı vasitəsinin Normandiya, Fransada Mont Saint-Miçel üzərində görünə biləcəyi qeyd olunub. Bu, Beynəlxalq Enerji Agentliyinin hesablamalarına görə, qlobal karbon qazı emissiyalarına səbəb olan ənənəvi təyyarələrə alternativ təmin etməyi hədəfləyən yeni nəsil ekoloji cəhətdən təmiz hava gəmilərindən biridir.

 Britaniya istehsalçısı "Hybrid Air Vehicles" 2026-cı ildə "Airlander 10" adlı dirijablın uçuşlarına başlamağı hədəflədiyi halda, "Google"un qurucusu Sergey Brin havadan yüngüllük təşəbbüsünün bir hissəsi olaraq "Pathfinder 1" adlı nəqliyyat vasitəsi istehsal edir.