8 ayın şirkəti 600 minlik tenderin qalibi seçildi

REPORTAJ / 05.10.2023 00:47

Gədəbəy Rayon İcra Hakimiyyəti Gədəbəy şəhərində küçələrin, dalanların və meydanların asfaltlaşdırılması ilə bağlı tenderə yekun vurub.

"carciTV" xəbər verir ki, tenderin qalibi "Birlik-23” MMC seçilib. Tərəflər arasında bağlanacaq satınalma müqaviləsinin maliyyə dəyəri 588 378,39 AZN-dir.

"Birlik-23” MMC 26 yanvar 2023-cü ildə qeydiyyata alınıb. Nizamnamə kapitalı 10 AZN olan şirkətin hüquqi ünvanı Bakı şəhəri Yasamal rayonu, Həsən bəy Zərdabi prospekti, ev 17/51, mənzil 22-də yelrəşir. MMC-nin qanuni təmsilçisi Dadaşbalayev Zöhrab Kamil oğludur.

Açıq mənbələrdə şirkət və qanuni təmsilçisi haqqında heç bir məlumata rast gəlinmir.

"Dövlət satınalmaları haqqında” Qanunun 6.2.1-ci maddəsinə görə satınalma müqaviləsinin icrasını təmin etmək üçün müvafiq sahədə peşəkarlığın, təcrübənin, texniki və maliyyə imkanlarının, işçi qüvvəsinin, idarəetmə səriştəsinin və etibarlığın olması əsas şərtdir.
8 aydır fəaliyyət göstərən və haqqında heç bir məlumata rast gəlinməyən "Birlik-23” MMC-nin bu şərtlərə cavab verdiyi inandırıcı görünmür.

Oxunub: 136