Messi və Ronaldo: Son 20 ilin ən dəyərlisi kim olub?

İDMAN / 01.02.2024 23:40

Messi və Ronaldo: Son 20 ilin ən dəyərlisi kim olub?

Lionel Messi və Kriştiano Ronaldo karyeraları ərzində həmişə öz nəsillərinin iki ən yaxşı oyunçusu kimi ilk yerlərdə olub.

"carciTV" xəbər verir ki, hər iki superulduzun adları hansı oyunçunun daha yaxşı olması ilə bağlı davamlı mübahisələrlə bir-biri ilə sinonimləşib. Onlar futbolda ən məşhur simalar olaraq qalırlar və futbolda olduqları son 20 il ərzində onları izləyənlərə zövq veriblər. Məşhur "Transfermarkt” portalı hər iki futbolçudan hansının son 20 il ərzində daha yüksək qiymətə malik olduğunu araşdırıb…

Messi rəqibini səkkiz mükafatla geridə qoyaraq ikili arasında ən çox, 13 dəfə nüfuzlu "Qızıl top”u qazanıb. Hər iki futbolçu İspaniyada "Real” və "Barselona”nın üz-üzə gəldiyi illərdə "El Klassiko”nu izləyənlərə həzz verdilər. Hazırkı klublarında onları növbəti və çox güman sonuncu dəfə üz-üzə gətirməyi planlayan təşkilatçılar isə arzularına çata bilmədi. Belə ki, Ronaldonun forma geydiyi "Al-Nassr” bu gün yoldaşlıq görüşündə Messinin komandası"İnter Mayami" ilə qarşılaşacaq. Lakin Ronaldo zədə səbəbindən Səudiyyə Ərəbistanında keçiriləcək matçı buraxacaq.

Cud Bellinqem, Erlinq Haland və Kilyan Mbappe son illərdə dünyanın ən dəyərli oyunçuları kimi ortaya çıxsalar da, Messi və Ronaldo on ildən artıqdır ki, bu titul uğrunda mübarizə aparırdılar.

Ronaldo Messidən iki yaş böyükdür və bu, bazar dəyərlərində də öz əksini tapıb. Portuqaliyalı hücumçunun qiyməti 20, Messinin qiyməti isə cəmi üç milyon avro idi. 2007-ci ildə Ronaldonun qiyməti 40 milyon avroya yüksəldi. Daha sonra hər iki oyunçunun bazar dəyəri illər ərzində artan qrafiklə irəliləməyə başladı. Ronaldo 2008-ci ildə ilk "Qızıl top”unu qazananda Messini geridə qoydu və onun bazar dəyəri 2011-ci ilə qədər argentinalıdan daha yüksəkdə qaldı. Messinin qiyməti isə 2012-ci ildə 120 milyon avroya çatdı. İki il ərzində - Ronaldo 2014-cü ildə "Real”a qoşulana qədər Messinin qiyməti daha yüksək oldu.

Həmin vaxta qədər Ronaldonun rekord bazar dəyəri 120 milyon avro idi. Lakin 2016 və 2017-ci illərdə portuqaliyalı futbolçu gerilədi və 2018-ci ildə "Real”dakı son mövsümündə əvvəlki həddinə qayıtdı. Maraqlıdır ki, Messinin dəyəri 2012 və 2018-ci illər arasında, yəni altı il ərzində 120 milyon avro olaraq qaldı. Ancaq 2018-ci ildə argentinalı superulduz qiymətini 180 milyon avroya qədər - rekord həddə çatdırdı. Ronaldonun "Yuventus”da bir il ərzində 40 milyon avro dəyər itirdikdən sonra hər iki oyunçunun qiymətləndirmələri təbii olaraq azaldı. 38 yaşlı futbolçu hazırkı klubu "Al-Nassr”a qoşulmazdan əvvəl, 2021-ci ildə sentimental addımla "Mançester Yunayted”ə qayıtdı.

Ronaldo hələ də inanılmaz sürətlə qollar vurur və onun hazırkı bazar dəyəri 15 milyon avro təşkil edir. Hansı ki, bu, 1985-ci ildə anadan olan bütün futbolçular arasında ən yüksək göstəricidir. Messinin bazar dəyərinin trayektoriyası Ronaldoya oxşar yolu keçsə də, son doqquz mövsümdə o, daha yüksək qiymətləndirilib. Ki, bu da əsasən onun yaşı ilə bağlıdır. Messi Argentina yığması ilə birlikdə dünya çempionatını qazandıqdan sonra hazırkı bazar dəyəri 35 milyon avrodur. Bu isə 1987-ci ildə anadan olmuş oyunçular arasında rekord sayılır.

İllər boyu Messi və Ronaldonun bir-birini görmək istəmədiyinə dair davamlı fərziyyələr var idi, lakin sonda hər ikisi qarşılıqlı hörmətlərini ifadə etdilər. Messi 2017-ci ildə ikilinin bir-birini bəyənmədiyi iddialarına cavab olaraq, "Xeyr, mən həmişə demişəm. Futbol ikimizin varlığı ilə silahlanıb. Komandamız üçün hər il ən yaxşısını əldə etməyə çalışırıq və bunun xaricində deyilənlərin çox da vacib olduğunu düşünmürəm. O, böyük keyfiyyətə malik fenomenal oyunçudur. Bunu bütün dünya bilir və Ronaldo ən yaxşılardan biridir” - sözlərini söyləyib.

Ronaldo isə 2022-ci ildə verdiyi açıqlamada, "15 ildir ki, səhnəni paylaşırıq. Bilmirəm, əvvəllər belə olubmu - eyni səviyyəli iki oğlan həmişə eyni səhnədə. Əlbəttə, yaxşı münasibətimiz var. Hələ birlikdə nahar da etmişik. Biz İspaniyada o döyüşü keçirdik. Mən onu itələdim, o da məni itələdi. Buna görə də futbol tarixinin bir parçası olmaq yaxşıdır", - ifadələrinə yer verib.

Oxunub: 330