Supermilyarderlərin reytinqi açıqlandı - Birinci odur

MARAQLI / 26.02.2025 19:34

Supermilyarderlərin reytinqi açıqlandı - Birinci odur

ABŞ hökumət səmərəliliyi ofisinin (DOGE) rəhbəri İlon Mask dünyanın müxtəlif ölkələrindən yalnız 24 nəfərin yer aldığı super-milyarderlər siyahısında birinci yeri tutub.

"carciTV" xəbər verir ki, bu barədə "Wall Street Journal" analitik şirkət "Altrata" məlumat verib. Hazırda ən azı 50 milyard dollar sərvətə malik yeni bir ultra-zəngin insanlar kateqoriyasının – super-milyarderlərin formalaşmasından danışmaq olar. "Altrata" bu siyahıya dünyanın müxtəlif ölkələrindən 24 nəfəri daxil edib.

Siyahının ilk pilləsini 419,4 milyard dollarla "SpaceX", "Tesla" və "X" şirkətlərinin rəhbəri İlon Mask alıb. İkinci pillədə 263,8 milyard dollar sərvətlə "Amazon"un qurucusu Ceff Bezos yer alıb. "LVMH" şirkətinin sahibi Bernar Arno 238,9 milyard dollar sərvətlə üçüncü yerdə, 237 milyard dollar sərvətlə "Oracle" texnologiya şirkətinin rəhbəri Lerri Ellison və 220,8 milyard dollar sərvətlə "Meta" korporasiyasının baş direktoru Mark Zukerberq olub.

Ümumilikdə, dünyanın ən varlı 24 şəxsi 3,3 trilyon dollarlıq sərvətə sahibdir ki, bu da Fransanın nominal ÜDM-i ilə müqayisə oluna bilər. "Altrata"nın hesablamalarına görə, siyahıda yer alan 16 nəfərin sərvəti 100 milyard dolları ötüb.

Qeyd olunur ki, əgər XIX və XX əsrin əvvəllərində dünyanın ən zəngin insanları əsasən sənayeçilər idisə, müasir dövrdə super-milyarderlərin əksəriyyəti sərvətlərinitexnologiyasektorunda qazanıb.

Oxunub: 44