"Karat Holdinq" Məhdud Məsuliyyətli Cəmiyyəti (MMC) barəsində barəsində cərimə protokolu yazılıb

REPORTAJ / 19.03.2025 17:26

"Karat Holdinq" Məhdud Məsuliyyətli Cəmiyyəti (MMC) barəsində barəsində cərimə protokolu yazılıb

"carciTV"nin əldə etdiyi məlumata görə, şirkət barəsində Dövlət Gömrük Komitəsi tərəfindən İnzibati Xətalar Məcəlləsinin 485.2-ci (Mallar və nəqliyyat vasitələri gətirilərkən və ya aparılarkən müvafiq icra hakimiyyəti orqanına məlumatın verilməməsi və ya təhrif olunmuş məlumatın verilməsi, yaxud əvvəlcədən qısa idxal bəyannaməsinin verilməməsi) maddəsi ilə inzibati protokol tərtib edilib.

Protokol baxılması üçün Yasamal Rayon Məhkəməsinə göndərilib. İşə 30.01.2025-ci il tarixində hakim Mirsadiq Seyidovun sədrliyi ilə baxılacaq.

Qeyd edək ki, İnzibati Xətalar Məcəlləsinin 485.2-ci maddəsinə əsasən, tərtib edilmiş protokola əsasən vəzifəli şəxslər 1000 manat, hüquqi şəxslər 1500 manat məbləğində cərimə edilir.

Xatırladaq ki, Azərbaycanda ən iri un istehsalçısı olan "Karat Holdinq"in keçmiş deputat Əsabil Qasımova məxsus olduğu bildirilir. Məlumatlara görə, şirkətin qanuni təmsilçisi İqdam Umudov keçmiş deputatın yaxın qohumudur.

Oxunub: 13