Yaxşı müdirlərə xas xüsusiyyətlər

İş yerində iş yoldaşlarınızla uyğunlaşa bilir və liderlik xüsusiyyətiniz varsa, yaxşı bir rəhbər ola bilərsiniz. Lakin həqiqətən yaxşı bir rəhbər olmaq üçün bu iki xüsusiyyətdən daha çoxuna ehtiyacınız var. Yaxşı bir rəhbər olub-olmamağınızı göstərən müxtəlif amillər mövcuddur.

Yaxşı rəhbər olmaq yalnız doğuşdan gələn bacarıqlarla bağlı deyil. Bu keyfiyyətləri qazanmaq və inkişaf etdirmək mümkündür. Özünüzü inkişaf etdirməyə kömək edəcək və digər insanlarla münasibətlərinizi yaxşılaşdıracaq müəyyən xüsusiyyətlər var.

Bəs yaxşı rəhbərlərə xas olan xüsusiyyətlər hansılardır?

Valyuta.az başqalarının hörmət edəcəyi və yanında rahat hiss edəcəyi bir rəhbər olmaq üçün lazım olan əsas xüsusiyyətləri təqdim edir:

1. Özünü motivasiya etmək

Yaxşı bir rəhbər özünü motivasiya etməyi bacarmırsa, başqalarını heç vaxt motivasiya edə bilməz. Özünü motivasiya etmək – işə və idarəetməyə uyğunlaşmaq qabiliyyəti rəhbər üçün əsas şəxsi xüsusiyyətlərdən biridir. Başladığınız işi davam etdirmək üçün özünüzdə güc tapmalı və sizinlə işləyənləri də motivasiya etməlisiniz.

2. Dürüstlük

İnsanlar yaxşı bir rəhbərə dürüstlüyü sayəsində güvənirlər. İşçilər rəhbərin sona qədər mübarizə aparacağını, verdiyi sözə və qaydalara əməl edəcəyini bilməlidirlər.

3. Etibarlılıq

Etibarlı bir insan olmalısınız. İşçiləriniz və şirkətdə sizdən daha çox səlahiyyətə sahib olan şəxslər sizə güvənə biləcəklərini bilməlidirlər. Ofis daxilində işləyən digər insanlar da sizə güvənməlidir.

4. Optimistlik

Gələcəyə ümidlə baxırsınızmı? Optimist düşüncə tərzi işçilərin motivasiyasını artırmağa kömək edə bilər. Mənfi fikirlərdən uzaq duraraq ətrafınızdakıları ilhamlandıra bilərsiniz.

5. Özünə güvənmək

Özünüzə güvənirsinizmi? Qətiyyətli qərarlar verməli və ətrafınızdakılara da yaxşı qərarlar verə biləcəyinizi göstərməlisiniz. Özünüzə nə qədər güvənirsinizsə, işçiləriniz də sizə bir o qədər inanacaqlar.

6. Sakitlik

Rəhbər olaraq təzyiq altında olsanız belə, sağlam düşüncənizi qorumağınız vacibdir. Sakit düşünərək lazımi addımları atmaq bacarığı yaxşı bir rəhbərdə mütləq olmalıdır.

7. Çeviklik

Yaxşı bir menecer dəyişən vəziyyətlərə uyğunlaşmaq üçün çevik olmalıdır.

8. Sənaye bilgisi

İşlədiyiniz sahə haqqında kifayət qədər məlumatınız varmı? Suallara doğru cavab verə bilmək və daha səmərəli işləyə bilmək üçün sənayeniz haqqında biliklərə sahib olmalısınız. İşçilərinizin dərin biliklərə ehtiyacı olmasa da, rəhbərlərin bu biliklərə sahib olması vacibdir.

9. Nizam-intizamlı olmaq

Yaxşı bir rəhbər olmaq üçün nizamlı olmalısınız. Layihələrinizi, işçilərinizi və verdiyiniz tapşırıqları düzgün izləmək iş dünyasında uğur qazanmaq üçün olduqca önəmlidir.

10. Maliyyə idarəçiliyi

Əsas maliyyə anlayışlarını bilmək və müəyyən bir layihəyə ayrılmış büdcəni necə idarə edəcəyinizi anlamaq vacibdir.

11. Hüquqi məsuliyyətlər

Hüquq mütəxəssisi olmağınız tələb olunmasa da, fiziki zorakılıq, işə qəbul və işdən çıxarma, məxfilik prinsipləri kimi məsələlərin hüquqi tərəflərini bilməlisiniz.

12. İctimaiyyət qarşısında danışmaq

Yaxşı bir rəhbər olaraq ictimaiyyət qarşısında necə danışacağınızı bilməlisiniz. İstər müsahibə, istərsə də işçilərlə görüş zamanı sözlərinizi düzgün seçməli və fikirlərinizi qarşı tərəfə uğurla çatdırmalısınız.

13. Əməkdaşlıq

Həm komandanızla, həm də digər insanlarla əməkdaşlıq etməyi bacarmalısınız. Başqaları ilə uyğun şəkildə işləyə bilməli, müxtəlif fikir və şəxsiyyətləri bir araya gətirə bilməlisiniz.

14. İnsanlara dəyər vermək

Yaxşı bir rəhbər işçilərinə özlərini dəyərli hiss etdirməlidir. Araşdırmalar göstərir ki, işçilər rəhbərlərindən təqdir gözləyirlər. İşçilərinizin sizə töhfə verməsini istəyirsinizsə, onları təqdir etməli və bəzən tərifləməlisiniz.

15. Aktiv dinləmə

Ən vacib ünsiyyət bacarıqlarından biri qarşı tərəfi dinləməkdir. İşçilərinizin, rəhbərlərinizin və müştərilərinizin sözlərini diqqətlə dinləyin və onlara önəm verin.

16. Yazılı ünsiyyət

Yazılı şəkildə effektiv ünsiyyət qurmağı öyrənməlisiniz. Yaxşı bir rəhbər e-maillərdə və təşəkkür qeydlərində peşəkar şəkildə, dil qaydalarına riayət edərək özünü ifadə edə bilməlidir.

17. Hörmət göstərmək

Rəhbər olaraq hörmət görmək istəyirsinizsə, işçilərinizə hörmətlə yanaşmalısınız. Standartları müəyyən etmək və hörmətə əsaslanan əlaqələr qurmaq sizin əlinizdədir.

Yaxşı bir rəhbər olmaq üçün anadangəlmə lider olmaq vacib deyil. Lazımi keyfiyyətləri qazanaraq və inkişaf etdirərək uğurlu bir rəhbərə çevrilə bilərsiniz. Yuxarıda sadalanan xüsusiyyətlər üzərində işləməklə həm şəxsi, həm də peşəkar həyatınızda daha təsirli ola bilərsiniz.

"Yaxşı rəhbər”in portreti

• Rəhbər işçinin nəyə qadir olduğunu müəyyən etdikdən sonra onun yerini, vəzifə öhdəliklərini və səlahiyyət dərəcəsini təyin edir.
• Rəhbərin yeganə vəzifəsi – işçi kollektivini toplamaq, hər kəsin görməli olduğu təyin etmək və bu kollektivi işlək vəziyyətə gətirməkdir.
• İnsan rəhbər olaraq doğulmur, rəhbər olaraq formalaşır.
• Rəhbərlər tək, icraçılar isə milyonlarladır.
• Rəhbər dəyişildikdə, kollektiv də dəyişir.
• Rəhbər öz işçilərinin tələblərini nə qədər çox yerinə yetirərsə, ona bir o qədər çox nifrət edərlər.
• Rəhbər işçilər ilə olan məsafəni və sərhədi aşmamalıdır.
• Yalnız rəhbər kollektivini hara istiqamətləndirdiyini bilər.
• Əməkdaş aldığı maaşın miqdarından asılı olmayaraq zamanla ona vərdiş edir və bu az təsir bağışlayır.
• Əgər rəhbər yalnız bir əməkdaşın probleminə ilişib qalırsa, nə o, nə də kollektiv irəli getməyəcək.
• Rəhbər hər şeydən öncə insan olmağı bacarmalıdır.
• Rəhbərin əsas gücü düzgün yol seçdiyinə olan inamıdır.
• Tapşırığın yerinə yetirilməsin görə daim bir şəxs məsuliyyət daşımalıdır.
• Rəhbərin – şirkətin əsas simasıdır. Rəhbər yoxsa, şirkət də yoxdur.