Bir ildə universitetlərdən yüzlərlə tələbə xaric edilib - SİYAHI

XƏBƏR / 01.02.2021 23:23

Ali təhsil müəssisəsində oxumaq hər gəncin arzusudur. Müəyyən səbəblər də var ki, bu, tələbənin ali təhsil arzusunu yarımçıq qoya bilər. Tələbə öz arzusu ilə, başqa ali təhsil müəssisəsinə köçürüldükdə, ali təhsil müəssisəsinin daxili intizam qaydalarını kobud şəkildə pozduqda, səhhətinə görə (həkim-məsləhət komissiyasının arayışına əsasən), növbəti tədris ilinə qeydiyyatdan keçməyib həmin tədris ilinin payız semestrinin sonuna qədər ali təhsil müəssisəsi ilə əlaqə saxlamadıqda ali təhsil müəssisəsindən xaric edilir.

Xaric edilmə ilə bağlı qaydalar Təhsil Nazirliyinin (TN) Kollegiyasının təsdiq etdiyi qərarla tənzimlənir.

Beləliklə, 2019-2020-ci tədris ili üzrə cavabları təqdim edirik.

Azərbaycan Dövlət Pedaqoji Universitetindən (ADPU) ötən tədris ili üçün ümumilikdə 188 tələbə xaric edilib. Onlardan 4-ü yekun dövlət attestasiyasından keçməyənlər (buraxılış işini müdafiə etməyənlər, 64-ü ADPU-dan digər tədris müəssisələrinə köçürülənlər, 120-si isə digər səbəblərdən (nizam-intizam qaydalarını kobud və dəfələrlə pozanlar, dünyasını dəyişənlər, universitetlə əlaqəsi kəsilənlər, öz ərizəsi ilə xaric olunanlar, təhsilini donduranlar və s) universitetdən çıxarılanlardır.

Bakı Slavyan Universitetinin heç bir tələbəsi universitetdən xaric edilməyib. Yalnız bir tələbə öz arzusu ilə təhsilini Türkiyədə davam etdirməyə qərar verib.

Azərbaycan Tibb Universitetindən 15 tələbə xaric olunub ki, onlardan 4-ü vəfat edib, 3-ü akademik məzuniyyətdən qayıtmayıb. Yerdə qalanlar isə öz xahişləri ilə universitetdən xaric olunub.

Bakı Mühəndislik Universitetindən (BMU) təhsil haqqının ödənilməsi və ya gecikdirilməsi halı ilə bağlı hər hansı tələbənin xaric olunma faktı yoxdur: "Başqa məsələlərlə bağlı xaric olma təbii ki, mövcuddur. Yəni, elə tələbə var ki, öz istəyi ilə başqa universitetə keçib və s. Bu say isə adətən elə də böyük olmur və tələbə sayı ilə müqayisədə çox cüzi rəqəmlə ifadə olunur. Hazırda müəyyən dəqiqləşmələr aparılır. Fevralın əvvəlinə dəqiq rəqəm söyləmək mümkün olacaq. Amma bu dəqiqdir ki, BMU-da təhsil haqqı ilə bağlı hər hansı tələbənin universitetdən çıxarılması faktı qeydə alınmayıb”.

Azərbaycan Memarlıq və İnşaat Universitetindən ümumilikdə 319 tələblə xaric olub. Onlardan 162-si ərizə yazıb öz xahişi ilə çıxıb. 157 nəfər isə universitetlə əlaqəni itirdiyi üçün xaric olunub.

Azərbaycan Dillər Universitetindən 32 nəfər xaric olunub. Onların hamısı təhsillərini digər universitetlərdə davam etdirmək istəyib.

Azərbaycan Dövlət Neft və Sənaye Universitetindən (ADNSU) 242 tələbə xaric olunub. Onlardan 73 nəfər öz xahişi ilə, 43 nəfər digər ali məktəbə köçürülməsi ilə əlaqədar, 123 nəfər universitetlə əlaqələrini kəsdiyinə görə, 3 nəfər isə vəfat etdiyinə görə xaric olunub.

Prezident yanında Dövlət İdarəçilik Akademiyasından 15 nəfər öz xahişi ilə xaric olunub.

Azərbaycan Dövlət İqtisad Universitetindən (UNEC) 305 tələbə xaric olunub.

Lənkəran Dövlət Universitetindən (LDU) xaric olunan tələbələrin sayı 115 nəfərdir. Onlardan öz arzusu ilə 12 nəfər, başqa təhsil müəssisəsinə gedən 79, 2018-ci ildən universitetlə əlaqə saxlamadığına görə Təhsil Nazirliyinin kollegiyasının müvafiq əmri ilə təsdiq edilən 24 nəfər, ötən il 22 tələbə LDU-ya köçürülüb. Respublika daxilindən 19, xaricdən isə 3 tələbə köçürülüb. Xaric edilən tələbələrdən 7-si yenidən bərpa olunub.

Mingəçevir Dövlət Universitetində normativ təhsil müddətində təhsil alan 2 tələbə universitetdən xaric olunub. Əyani şöbədə təhsil alan hər iki tələbə işlədikləri üçün öz arzuları əsasında xaric olunublar.

Bakı Dövlət Universitetindən isə bildirilib ki, 2020-ci il ərzində universitet sıralarından qovulan tələbə olmayıb.

Digər ali təhsil müəssisələri sorğuya cavab vermək istəməyib.

Təhsil Nazirliyindən bildirilib ki, nazirlikdə bütün ali təhsil müəssisələrini əhatə edən elektron sistemin hazırlanması üzərində iş gedir: "Həmin sistem işə salındıqdan sonra xaric olunmuş tələbələrin sayı və digər statistik məlumatları asanlıqla əldə etmək mümkün olacaq. Hazırda isə ali təhsil müəssisələrindən xaric olunmuş tələbələrin sayı barədə məlumatı bir-başa ali təhsil müəssisələrinə müraciət etməklə əldə etməyiniz məqsədəuyğundur".

Qeyd edək ki, hazırda Azərbaycan 51 ali təhsil müəssisəsi fəaliyyət göstərir. Onların 20-si Təhsil Nazirliyinin tabeliyində, 13-ü digər nazirlik və komitələrin nəzdində fəaliyyət göstərir, 11-i özəl, 7-si isə xüsusi təyinatlıdır. Təxminən 182 000 tələbə universitetlərdə ali təhsil alır. Onlardan 167 000-i bakalavr, 15 000-i magistrdir.

Oxunub: 271

SON XƏBƏRLƏR

2025-01-04

01:15 Prezident İlham Əliyev Şahdağ Turizm Kompleksində yerləşən “Lakeside” hotelində aparılmış işlərlə və “Xizək klubu” binasının tikintisi ilə tanış olub

2024-12-30

02:11 Milli Məclisin 2024-cü il payız sessiyası başa çatıb

02:06 Azərbaycan Prezidenti “Konstitusiya və Suverenlik İli” ilə bağlı paylaşım edib

01:48 Prezident İlham Əliyev təyyarə qəzasında həlak olan ekipaj üzvlərinin vida mərasimində iştirak edib VİDEO

01:40 Prezident İlham Əliyev Azərbaycan Televiziyasına müsahibə verib YENİLƏNİB VİDEO

2024-12-28

14:02 Prezident İlham Əliyev Bakıda kommunal xidmət göstərəcək müxtəlif xüsusi təyinatlı nəqliyyat vasitələri ilə tanış olub

2024-12-20

00:31 Qara Dəniz İqtisadi Əməkdaşlıq Təşkilatına sədrlik Azərbaycana keçib

00:26 Metropolitenin yeni sədri kimdir? - DOSYE

23:21 Prezident İlham Əliyev "Rossiya Seqodnya" BİA-nın baş direktoru Dmitri Kiselyova müsahibə verib

23:05 Milli Məclisin iclasında 11 məsələ müzakirə edilib

23:02 Prezident İlham Əliyev Azərbaycanın D-8 təşkilatına üzv qəbul edilməsi ilə bağlı paylaşım edib

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

01:14 “Paris-2024”: Azərbaycan basketbol millisi ABŞ-ı məğlub edib

01:23 Birinci vitse-prezident Mehriban Əliyeva Hidayət Heydərovun Olimpiya çempionu olması ilə bağlı paylaşım edib

Təqvim