Dəmir yumruğun yaratdığı yeni reallıqlar

MÜSAHİBƏ / 10.07.2021 01:16

Ermənistanla Azərbaycan rəsmi sülh müqaviləsi bağlamayıb. Bizim aramızda diplomatik münasibətlər də yoxdur. Ayrı-ayrı beynəlxalq birliklərin bərabərhüquqlu üzvü olsaq da, öz aramızda birbaşa münasibətlər qurulmayıb. Bunun da tək səbəbi Ermənistanın bitib-tükənməyən siyasi, hərbi təxribatlarıdır. Təbii ki, tərəflər arasında sülhün təmin olunması üçün Ermənistan Azərbaycanın daxili işlərinə qarışmaqdan birmənalı şəkildə əl çəkməlidir. Ermənistan, əlbəttə ki, terroru dəstəkləyən dövlət modundan çıxmalıdır. Bu ölkə ehtiyacı olduğundan qat-qat artıq silahlanmadan imtina etməlidir. Ermənistan dövləti və cəmiyyəti var-qüvvəsini silahlanmaya, təxribatlara deyil, sülhə yönəltməlidir. Onun vəziyyətdən nicat və çıxış yolu budur. Bizim birgəyaşayış mədəniyyətimiz ermənilərə artıqlaması ilə yetər.

Azərbaycan Prezidentinin 26 fevralda – Xocalı soyqırımın 29-cu ildönümündə keçirdiyi mətbuat konfransında birgəyaşayış mövzusunda da suallar oldu və dövlətimizin başçısı xalqımızın xarakterinə, dövlətimizin ləyaqətinə uyğun cavablarla əsl mənzərəni dünya ictimai fikrinə bir daha çatdırdı.

"carciTV" xəbər verir ki, bu fikirləri Milli Məclisin Mədəniyyət komitəsinin sədri Qənirə Paşayeva bildirib.

Q.Paşayeva deyib: "Biz o xalqıq ki, bəşəriyyətin ən dəhşətli qətliamı olan Xocalı soyqırımından sonrakı illərdə belə 30 min erməninin paytaxt Bakıda, eləcə də digər şəhər və rayonlarımızda qalıb yaşamasına imkan vermişik. Təsəvvür edin, işğalçı ölkənin müdafiə nazirinin bacısı hazırda Kürdəmirdə yaşayır. Ermənistanda əsir-girovlar xaric bir nəfər azərbaycanlının mövcudluğunu təsəvvür edə bilərsinizmi? Dünya erməniliyi, ilk növbədə, bizim torpaqlarda yaşamağa davam etməkdə qərarlı olan ermənilər birmənalı şəkildə bilməlidirlər ki, bundan sonra Azərbaycan və erməni xalqlarının birgə yaşaması ilə bağlı aydın təsəvvürlər var. Azərbaycanda minlərlə erməni yaşayır. Bizim erməni xalqı ilə birgə yaşamağımızın böyük tarixi var, həm Ermənistanda, həm Azərbaycanda, həm başqa ölkələrdə. Misal üçün, Gürcüstanda elə kəndlər var ki, orada azərbaycanlılar və ermənilər bir kənddə yaşayırlar. Biz əməkdaşlığa açıq olan ölkəyik və Azərbaycanda müxtəlif xalqların nümayəndələri əsrlərboyu bir ailə kimi yaşayırlar. Azərbaycanda heç vaxt dini, milli zəmində hər hansı qarşıdurma, anlaşılmazlıq olmayıb”.

Deputat bildirib ki, Qarabağda yaşayan ermənilər Azərbaycan vətəndaşlarıdır. Azərbaycanda fərqli dildə danışan insanların hər cür hüquq və imtiyazları mövcuddur. Onların təhsilə çıxışları təmin edilir. Davamlı sülh ümumbəşəri sosial-siyasi dəyər kimi erməni ictimai fikri tərəfindən idrak edilməlidir. Əks-təqdirdə nələrin olduğunu anlamaq üçün dahi olmağa ehtiyac yoxdur. Azərbaycanın məqsədi artıq üçtərəfli qaydada – Ermənistan və Rusiya ilə birlikdə kommunikasiyaların bərpası, Zəngəzur dəhlizinin yaradılması və nəqliyyat baxımından bütün maneələri aradan qaldırmaqdır. Bu, baş tutsa, Ermənistan da mənfəət əldə edəcək, onlar sülhün xeyrini görəcəklər.

Qənirə Paşayeva deyib ki, prioritet vəzifələrdən biri uzunmüddətli sülhün təmin edilməsi və müharibə risklərinin sıfra endirilməsidir. Müharibədən heç dörd ay keçməmiş artıq rəsmi şəxslər – Ermənistan və Azərbaycan rəsmi şəxsləri arasında təmaslar qurulur, görüşlər keçirilir, bəzən açıq formatda, bəzən qeyri-rəsmi formatda. Amma bu proses gedir və bu proses müsbət istiqamətdə gedir.

İndi Ermənistan çalxalanır. İqtidar-müxalifət qarşıdurması, ideoloji bürüncəkli siyasi-hərbi hərisliklər və s. uğursuz, məğlub dövləti sözün bütün mənalarında aclıqdan qurtarmağa qabil deyil. Ermənistan əhalisini dolandıra bilməyən hökumət, üstəlik, bir də bizim torpaqlarda yaşayan ermənilərinmi dolanışığını təmin edəcək? Digər yandan, Ermənistanın ehtiyaclarının Qarabağın təbii sərvətləri hesabına təmini dövrü bitib.

"İndi yeni reallıqlar mövcuddur”,- deyən komitə sədri vurğulayıb ki, Azərbaycanın dəmir yumruğunun yaratdığı yeni reallıqlarla hər kəs hesablaşmalı, barışmalıdır. Çıxış yolu budur. Çıxış yolu, qapanmaqda deyil, inteqrasiyadadır, kommunikasiyaların qurulması, açılması və işləməsindədir. İqtidarlı-müxalifətlə ermənilər bu sadə həqiqəti nə qədər tez anlasalar o qədər yaxşıdır: "Bu gün atılan addımlar gələcəyə xidmət etməlidir. Bu gün inteqrasiya barədə danışanda biz indi rusiyalı sülhməramlıların yerləşdiyi sahədə inteqrasiyanın istənilən formasına hazırıq. Bundan sonra da müxtəlif inteqrasiya variantları təklif oluna bilər. Xankəndinin və hazırda erməni əhalinin yaşadığı digər ərazilərin inteqrasiyası labüd prosesdir”.

Oxunub: 258

SON XƏBƏRLƏR

2024-11-21

03:05 Heydər Əliyev Fondunun vitse-prezidenti Leyla Əliyeva və Bakı Media Mərkəzinin rəhbəri Arzu Əliyeva COP29-da təqdim edilən inklüziv sərgi ilə tanış olublar

02:53 Dağlar qoynundakı təbiət möcüzəsi - Kəlbəcər rayonunun Əsrik kəndindən FOTOREPORTAJ

02:33 Azadlığına qovuşmuş Ağdam quruculuq və inkişaf dövrünü yaşayır

2024-11-14

13:29 Bakıda COP29-un Liderlər Sammitinin açılış mərasimi

13:19 Bakıda COP29 çərçivəsində Parlament Görüşü keçiriləcək

13:10 It started 18 years ago with the UAE leadership’s pioneering vision to diversify the economy and address global sustainability challenges

13:04 Bakıda qadın heykəli buna görə sökülübmüş...SƏBƏB...FOTO

2024-11-13

12:04 Bakıda COP29-un Liderlər Sammitinin açılış mərasimi keçirilib

2024-11-06

13:06 Prezident İlham Əliyev Bakı Olimpiya Stadionunun ərazisindəCOP29-la bağlı yaradılan şəraitlə tanış olub VİDEO

12:50 Prezident İlham Əliyev: Azərbaycan TDT-nin möhkəmlənməsi istiqamətində səylərini bundan sonra da davam etdirəcək

12:47 Şeyxülislam: COP29-un Azərbaycanda keçirilməsi ölkəmiz üçün böyük əhəmiyyət daşıyır

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

01:14 “Paris-2024”: Azərbaycan basketbol millisi ABŞ-ı məğlub edib

01:23 Birinci vitse-prezident Mehriban Əliyeva Hidayət Heydərovun Olimpiya çempionu olması ilə bağlı paylaşım edib

Təqvim